Maðurinn sem grun­aður er um að hafa orðið öðrum manni að bana í Barða­vogi í gær­kvöldi, hefur verið úrskurð­aður í gæslu­varð­hald til 1. júlí á grund­velli almanna­hags­muna. Hefur Lög­reglan á höf­uð­borg­ar­svæð­inu kraf­ist gæslu­varð­halds­ins í þágu rann­sóknar hennar á mann­dráp­inu.

Kemur þetta fram í til­kynn­ingu sem barst frá Lög­regl­unni á höf­uð­borg­ar­svæð­inu í dag.

Segir þar enn­fremur að lög­reglan hafi borist til­kynn­ing um yfir­stand­andi lík­ams­árás fyrr utan hús í Barða­vogi klukkan hálf átta í gær­kvöldi. Var mað­ur­inn með­vit­unda­laus er við­bragðs­að­ila komu á vett­vangt og and­aði ekki. Þegar í stað hófust end­ur­lífg­un­ar­til­raunir á mann­inum en báru þær ekki árangur. Var sak­born­ing­ur­inn í mál­inu á staðnum og var hann und­ir­eins hand­tek­inn og fluttur á lög­reglu­stöð. Segir lög­reglan sak­born­ing og þann látna hafa verið nágranna en að öðru leyti teng­ist þeir ekki.

Samkvæmt frétt DV segir mann­eskja sem býr á Barða­vogi að sá grun­aði hefði lengi sýnt af sér sér­kenni­lega og stundum ógn­andi hegðun. Hafði hann með ann­ars verið ræddur í íbúa­hópi fyrir hverfið á Facebook fyrir fáeinum árum vegna þess að hann hafði verið að stunda það að sparka í hunda.

„Hann er líka stór og sver og það gerir hann meira ógn­vekj­andi,“ segir mað­ur­inn í við­tali við DV og bætti við „þessi strákur hefur verið dálítil plága í hverf­inu, sér­stak­lega fyrir nokkrum árum en ég myndi segja að hann hafi ekki verið til mik­illa vand­ræða und­an­farið. Mamma hans ræður ekki við hann og hann ætti fyrir löngu að vera kom­inn í eitt­hvert úrræði. Þetta er áfell­is­dómur yfir heil­brigð­is­kerf­inu.“

Íbúar í Barða­vogi sem Mannlíf ræddi við höfðu ekki tekið eftir neinu und­an­farið og vissu ekki fyrr en þessi rólega gata var orðin full af lög­reglu­bílum og sjúkra­bílum.
„Ég kom bara af fjöllum. Ég kom heim hér korter í sjö og ætl­aði að fá mér að borða og horfa á frétt­irnar end­ur­teknar. Svo fór ég út í eld­hús að fá mér vatn að drekka og þá er bara gatan full af löggum,“ sagði karl­maður sem býr í göt­unni.

„Nei, það er hús á milli sko. Þannig að við sáum ekk­ert. En svo höfum við verið í öllum gluggum síðan þetta gerð­ist,“ sagði kona sem býr nálægt hús­inu þar sem harm­leik­ur­inn gerð­ist, aðspurð hvort hún hefði orðið var við eitt­hvað í gær­kvöldi. Mannlíf spurði hana hvort hún hefði orðið vör við illindi eða ógn­andi fram­komu í hverf­inu neit­aði hún því. „Við fluttum hingað fyrir tæp­lega ári síðan en við höfum einmitt aldrei búið í jafn frið­sælli og lít­illi botn­langa­götu áður, þannig að þetta var svo­lítið sér­stök upp­lifun.“