Ungur drengur, sem kallar sig Luffro, var einn þeirra sem stunginn var á Bankastræti Club, skemmtistað Birgittu Lífar Björnsdóttur, í gærkvöldi. Þrátt fyrir að 27 árásarmenn hafi ráðist að honum með hnífum virðist hann hvergi banginn í kveðjur sem hann sendir frá sjúkrabeðinu og birtir á samfélagsmiðlum:
Hátt í þrjátíu manna hnífaher sem huldi höfuð sín réðist á þrjá menn um tvítugt á Bankastræti Club í gærkvöldi. Þremenningarnir særðust alvarlega í hnífaárásinni en eru ekki taldir í lífshættu. Hótanir höfðu gengi á milli mannanna á samfélagsmiðlum fyrir árásina.
Sjá einnig: Birgitta Líf opnar sig um hnífaárásina í nótt: „Þökkum Guði að ekki fór verr“
Hótanir flugu á víxl opinberlega á samfélagsmiðlum skömmu fyrir árásina á Bankastræti Club í gærkvöldi. Mennirnir eru sagðir hafa verið „í stríði“ á samfélagmiðlum og greinilegt að í gærkvöldi fór fram uppgjör í undirheimunum á Bankastræti Club.
Birgitta er afar þakklát öllum þeim sen hjálpuðu í gærkvöldi. „Við hjá Bankastræti umberum ekki ofbeldi af neinu tagi og leggjum mikið upp úr öryggi gesta okkar og þjálfun starfsfólks,“ segir Birgitta Líf. „Þökkum guði að ekki fór verr. Ofbeldi á hvergi heima,“ bætir hún svo við.
Sjá einnig: Hettuklæddir hnífamenn réðust inn á Bankastræti Club – Þrír slasaðir eftir hnífaárás
27 hnífamenn réðust inn á skemmtistaðinn Bankastræti Club í miðborginni rétt eftir miðnætti í nótt. Að minnsta kosti þrír eru særðir eftir hnífaárásina. Mikill viðbúnaður lögreglu var við skemmtistaðinn í nótt og þar á meðal fjöldi sérsveitarmanna. Vitni að árásinni segja að hnífamennirnir hafi hulið höfuð sitt og náð að flýja undan á bíl. Sérsveitarmenn fór inn á staðinn og slökkt á allir tónlist.
Eins og áður sagði er Luffro einn hinna særðu eftir gærkvöldið en hann er góðvinur Gabríel Douane Boama, sem strauk úr Héraðsdómi Reykjavíkur fyrr á árinu. Afplánar Gabríel nú dóminn í fangelsinu á Hólmsheiði en var hann fyrr á árinu dæmdur í átján mánaða fangelsi. Dómurinn var vegna endurtekna líkamsárása, þjófnaðar, fíkniefnalagabrots og brot gegn valdstjórninni.
Í dag sendi Gabríel einnig frá sér kveðju á samfélagsmiðlum, þar sem hann er augljóslega reiður eftir árásina á Luffra og aðra vini sína:
Athugasemdir