Drífa Snædal fyrr­ver­andi for­seti ASÍ segir í Facebook-færslu á síðu sinni að „með ákvörðun sinni að leggja fram miðl­un­ar­til­lögu er rík­is­sátta­semj­ari heldur betur að teygja á heim­ildum sínum. Það er véfengj­an­legt að hann hafi þessar heim­ildir án sam­ráðs við deilu­að­ila en heim­ildir Eflingar til að semja fyrir sitt fólk og und­ir­búa verk­falls­að­gerðir eru óvé­fengdar. Sama hvað fólki kann að finn­ast um fram­göngu samn­inga­nefndar Eflingar.“

Aðal­steinn Leifsson rík­is­sátta­semj­ari.

Bætir við:

„Með þessu er rík­is­sátta­semj­ari að nýta til hins ýtrasta sínar vald­heim­ildir og jafn­vel aðeins umfram það og þetta er stór­hættu­legt for­dæmi fyrir deilur á hinum íslenska vinnu­mark­aði. Þegar einu sinni er búið að taka svona ákvörðun er hætt við að hún verði tekin aftur og aftur og aftur. Það er nán­ast ómögu­legt fyrir félags­menn að fella slíka miðl­un­ar­til­lögu, það þarf tölu­vert meiri kosn­inga­þátt­töku til að fella til­lög­una en náðst hefur hingað til í almennum atkvæða­greiðslum. Ef þetta er það sem koma skal á íslenskum vinnu­mark­aði er verið að draga úr mögu­leikum og heim­ildum ein­stakra stétt­ar­fé­laga til að ráða sínum málum sjálf og beita því eina vopni sem launa­fólk býr yfir – að leggja niður störf. Ég ótt­ast að rík­is­sátta­semj­ari hafi ekki hugsað þetta til enda.“

Hún segir einnig að „hætt er við að deilan fari í enn meiri hnút og traust til emb­ættis rík­is­sátta­semj­ara minnki hjá launa­fólki á Íslandi. Það er hins vegar mín skoðun að félagar í Eflingu hefðu átt að fá að greiða atkvæði um það til­boð sem lá á borð­inu en það á að ger­ast á félags­legum grunni en ekki með vald­boði rík­is­sátta­semj­ara.“

Drífa nefnir að end­ingu að „með þeirri stöðu sem nú er komin er hætt við að launa­fólk upp­lifi einmitt það, vald­boð að ofan í stað félags­legra lausna innan síns félags.

Það er ljóst að stjórn­völd og atvinnu­rek­endur hafa látið sig dreyma um auknar vald­heim­ildir rík­is­sátta­semj­ara en það hefur verið í and­stöðu við verka­lýðs­hreyf­ing­una. Að rík­is­sátta­semj­ari taki sér þetta vald núna verður varla til að efla sam­tal um bætt vinnu­brögð í samn­inga­gerð og getur haft alvar­legar afleið­ingar á sam­skipti á vinnu­mark­aði til lengri tíma.“