Starfs­fólk Íslands­hót­ela hefur sam­þykkt boðun um verk­falls­að­gerðir, en raf­ræn atkvæða­greiðsla sem hófst um hádegið síð­ast­lið­inn þriðju­dag var að ljúka nú fyrir örskammri stundu síðan.

Hafi samn­ingar ekki náðst fyrir þá mun verk­fall hefj­ast í næstu viku.

Í frétta­til­kynn­ingu sem Efling sendi frá sér rétt áðan kemur fram að nefndin fagni hug­rekki verka­fólks á Íslands­hót­elum; sam­þykki næstu lotu verk­falls­boð­ana:

Sólveig Anna Jóns­dóttir.

„Efl­ing­ar­fé­lagar hjá Íslands­hót­elum hafa með afger­andi meiri­hluta sam­þykkt ótíma­bundna vinnu­stöðvun á öllum hót­elum keðj­unnar í Reykja­vík. Var boð­unin sam­þykkt með 124 atkvæðum gegn 58 mót­at­kvæðum og 7 sem ósk­uðu að taka ekki afstöðu.

Af þeim sem greiddu atkvæði voru því 65 pró­sent sem sam­þykktu boð­un­ina. Samtals kusu 189 af þeim 287 sem voru á kjör­skrá og var kjör­sókn því 66 pró­sent pró­sent sem er mun meira en sést hefur í verk­falls­kosn­ingum félags­ins á síð­ustu árum.

Hefst vinnu­stöðvun að óbreyttu þriðju­dag­inn 7. febr­úar.

Stjórn­endur Íslands­hót­ela beittu starfs­fólk miklum þrýst­ingi og ólög­mætum hót­unum um tekju­missi tækju þau afstöðu með verk­falli. Er það skýrt brot á ákvæðum laga um stétt­ar­fé­lög og vinnu­deilur. Var allt starfs­fólk skikkað á sér­staka fundi þar sem stjórn­endur ræddu um kjara­deilu Eflingar við SA á vill­andi og ein­hliða hátt, og komu hót­unum sínum í þá veru óspart á fram­færi.

Bárust félag­inu margar kvart­anir frá félags­fólki vegna þessa.

Aðal­steinn Leifsson rík­is­sátta­semj­ari.

Rík­is­sátta­semj­ari sam­þykkti sér­staka miðl­un­ar­til­lögu sem tíma­sett var til að koma í veg fyrir að félags­fólk Eflingar hjá Íslands­hót­elum fengi að nýta sér rétt sinn til verk­falls.

Hann end­ur­tók jafn­framt hót­anir atvinnu­rek­enda um tekju­missi.

Guð­mundur Ingi og Katrín Jak­obs­dóttir.

Tveir ráð­herrar Vinstri grænna í rík­is­stjórn, Guð­mundur Ingi Guð­brands­son félags- og vinnu­mark­aðs­ráð­herra og Katrín Jak­obs­dóttir for­sæt­is­ráð­herra, vissu af miðl­un­ar­til­lögu rík­is­sátta­semj­ara áður en hún var kynnt samn­inga­nefnd Eflingar.

Ráð­herr­arnir stigu fram opin­ber­lega til stuðn­ings við miðl­un­ar­til­lög­una þrátt fyrir háværa gagn­rýni allra heild­ar­sam­taka launa­fólks á hana.“

Kemur fram að verk­falls­boð­unin tekur til starfs­stöðva Íslands­hót­ela á félags­svæði Eflingar, en þar um að ræða félags­fólk sem sinnir þrifum á her­bergjum sem og í sam­eig­in­legum rýmum, við fram­reiðslu veit­inga, störfum í eld­húsi, þvotti og fleira.

Hótel Íslands­hót­ela á höf­uð­borg­ar­svæð­inu eru nokkur; Hótel Saga í Lækj­ar­götu, Grand Hótel við Kringlu­mýr­ar­braut­ina, Hótel Centrum, Foss­hótel við Þór­unn­ar­tún, einnig Foss­hótel við Bar­óns­stíg og við Lind við Rauð­ar­ár­stíg; líka hótel Rauðará.

Ljóst er því að mikil harka er að fær­ast í kjara­deilur Eflingar, sem virð­ist ekki ætla að gefa tommu eftir.