Heldur betur er farið a hitna undir kol­unum í kjara­bar­áttu Eflingar eftir að dómur féll rík­is­sátta­semj­ara í vil á dög­unum. Gunnar Smári Egilsson talar um fas­isma í nýrri færslu.

Sós­í­alista­for­ing­inn Gunnar Smári er síður en svo sáttur við við­tal sem Halldór Benjamín Þor­bergs­son, fram­kvæmda­stjóri Samtaka atvinnu­lífs­ins var í á Bylgj­unni í hádeg­inu í dag. Þar segir Gunnar Smári að Halldór hafi verið að kalla á rík­is­valdið svo það beiti sér til að „berja niður verk­falls­bar­áttu lág­launa­fólks“. Segir hann fas­isma bankar á dyrnar. Færslan hljóðar eft­ir­far­andi:

„Halldór Benjamín er í hádeg­is­fréttum Bylgj­unnar að kalla á rík­is­valdið, að það beiti sér til að berja niður verk­falls­bar­áttu lág­launa­fólks. Sagan er að skrif­ast fyrir framan okkur, fas­ism­inn bankar. Í þetta sinn mætir hann með nýja hár­greiðslu.

Með miðl­un­ar­til­lögu Aðal­steins Leifs­sonar og dómi Bergþóru Ing­ólfs­dóttur í hér­aðs­dómi hafa orðið vatna­skil í íslenskri sögu. Með nýrri túlkun á heim­ildum sátta­semj­ara hafa þessi tvö veikt verk­falls­rétt launa­fólks, notað veik lög til að ganga á rétt verka­fólks. Og fyr­ir­tækja­eig­endur hlaupa á lykt­ina og krefj­ast þess að lög­reglan slá­ist í hóp­inn, nú þegar sátta­semj­ari og hér­aðs­dómur eru gengnir í lið með hinum ríku í linnu­lausri stétta­bar­áttu þeirra gegn launa­fólki.“