Birna hætti sem bankastjóri í nótt: „Umræðan óvægin og ýmsum hefur verið tíðrætt um afsögn mína“

„Ég hef ákveðið að stíga til hliðar sem banka­stjóri Íslands­banka með hags­muni bank­ans að leið­ar­ljósi svo ró geti mynd­ast vegna sáttar Íslands­banka við fjár­mála­eft­ir­lit Seðla­banka Íslands,“ segir í yfir­lýs­ingu Birnu Ein­ars­dóttur, banka­stjóra Íslands­banka, sem sendi í nótt yfir­lýs­ingu um starfs­lok sín í kjöl­far alvar­legra lög­brota starfs­manna bank­ans við sölu hluta­bréfa. Fjár­mála­stjóri bank­ans, Jón Guðni Ómarsson tekur við stöðu banka­stjóra. Afsögnin kemur ekki á óvart. Eins og Mann­líf greindi frá í gær þótti Birnu ekki vera sætt fremur en öðrum þeim sem hafa staðið í stafni bank­ans þegar umrædd brot voru framin. Hluta­bréf í bank­anum hafa fallið í verði und­an­farna daga eftir að til­kynnt var um hæst sekt Íslands­sög­unnar upp á 1,2 millj­arða króna vegna afglapa starfs­manna bank­ans.

„Með því axla ég ábyrgð á mínum þætti máls­ins. Umræðan hefur verið óvægin og ýmsum stjórn­mála­mönnum hefur verið tíð­rætt um afsögn mína. Ég óska þeim vel­farn­aðar í þeirra störfum,“ segir Birna og sendir stjórn­mála­mönnum sem höfðu for­dæmt lög­brotin pillu.

Hún segir að það sé með miklum trega sem hún yfir­gefur Íslands­banka eftir 30 ára starf. Hún seg­ist hafa átt far­sælan feril að und­an­skyldu útbiðs­mál­inu.

Farsæll ferill

„Starfsævi mín hefur nán­ast öll verið helguð bank­anum og okkur hefur tek­ist að byggja upp eitt öfl­ug­asta fyr­ir­tæki lands­ins með ein­stökum starfs­manna­hópi. Ég hef eign­ast marga góða vini bæði í hópi starfs­fólks og við­skipta­vina. Sátt fjár­mála­eft­ir­lits Seðla­banka Íslands snýr ein­göngu að þessu eina verk­efni, að öðru leyti hefur fer­ill minn hjá bank­anum verið far­sæll. Undir minni stjórn, sem banka­stjóri, hefur eigið fé bank­ans auk­ist um næstum 150 millj­arða auk þess sem ríf­lega 110 millj­arðar hafa verið greiddir í arð til hlut­hafa,“ segir Birna í yfir­lýs­ingu sinni.

Jón Guðni tekur við

Finnur Árnason, for­maður stjórnar bank­ans, sendi út yfir­lýs­ingu í nótt um að Birna Ein­ars­dóttir hefði óskað eftir því að láta af störfum sem banka­stjóri og
stjórn bank­ans og Birna hafi gert sam­komu­lag um starfs­lok hennar.
„Þá hefur stjórn bank­ans ráðið Jón Guðna Ómarsson í starf banka­stjóra. Jón Guðni hefur starfað hjá Íslands­banka og for­verum hans frá árinu 2000 og gegnt starfi fram­kvæmda­stjóra fjár­mála bank­ans frá 2011. Jón Guðni mun áfram gegna stöðu fram­kvæmda­stjóra fjár­mála Íslands­banka uns ráðið hefur verið í þá stöðu,“ segir í yfir­lýs­ingu banka­stjórn­ar­innar.