Árið 2009 var ráð­ist á 14. ára nem­anda Grunn­skól­ans í Sand­gerði. Ger­end­urnir voru tveir sam­nem­endur hans. Dreng­ur­inn hafði verið að spila við skóla­fé­laga sína þegar drengirnir tveir gengu upp að honum og réð­ust á hann. Dreng­ur­inn slas­að­ist alvar­lega.

DV greindi frá mál­inu á sínum tíma:

„Fjórtán ára nem­andi í Grunn­skóla Sand­gerðis slas­að­ist alvar­lega þegar tveir skóla­fé­lagar hans réð­ust á hann á skóla­lóð­inni fyrir helgi. Dreng­ur­inn sem ráð­ist var á fékk heila­hrist­ing, missti tíma­bundið heyrn á öðru eyra og tennur losn­uðu. Árásin hefur verið kærð til lög­reglu og fer inn á borð barna­vernd­ar­yf­ir­valda. Drengj­unum tveimur sem réð­ust á hann hefur verið vikið tíma­bundið úr skóla en skóla­nefnd mun ákveða fram­haldið. Annar árás­armann­anna hefur verið virkur með­limur í Hnefa­leika­fé­lagi Reykja­ness síð­ustu ár.“

Eftir miklar bar­smíðar náðu sam­nem­endur þeirra loks að skilja dreng­ina að.

Líkt og fram kom í frétt DV var annar árás­armann­ana þjálf­aður hnefa­leik­ari sem hafði stundað hnefa­leika hjá Hnefa­leika­fé­lagi Reykja­ness. Félagið leit málið alvar­legum augum og sam­þykkti ekki neina hegðun af þessu tagi.

Árás­armað­ur­inn hafði verið val­inn íþrótta­maður Sand­gerð­is­bæjar árið 2007. Hann var fyrsti hnefa­leika­mað­ur­inn sem hafði hlotið þessi verð­laun.

Árás­ar­mönn­unum tveimur var tíma­bundið vísað úr skóla og málið kært til lög­reglu og vísað til barna­vernd­ar­yf­ir­valda.