Bangsafélagið stendur fyrir árlegri hátíð félagsins Reykjavík Bear dagana 31. ágúst til 3. september. Rúmlega 100 erlendir bangsar víðsvegar úr heiminum mæta til Íslands og fagna með Bangsafélaginu. Reykjavík bear hátíðin í ár er nokkuð stærri en í fyrra með tvöfalt fleiri miðum seldum en áður. Hátíðin hefur stækkað ár frá ári og hefur aldrei verið vinsælli. Hátíðarpassar hafa verið uppseldir frá því í júní. Að auki má gera ráð fyrir talsverðum fjölda bangsa sem búa á Íslandi á hátíðinni sem og aðdáendum þeirra. Bangsafélagið er hagsmunafélag Samtakanna ’78 og félagsskapur bangsa (e. Bears) á Íslandi.
Allir eru velkomnir á Reykjavík Bear, sís, trans eða kynsegin og alveg sama hvernig fólk lítur út en líkamsskömm verður að skilja eftir heima. Bangsar eiga það oftast sameiginlegt að vera ljúfir, hressir, skemmtilegir og góðir við náungann. Bangsafélagið var stofnað árið 2019 í kringum árlegu bangsahátíðina Reykjavík Bear. Að auki heldur Bangsafélagið fjölda viðburða, eflir samstöðu og félagsskap og vinnur að því að auka sýnileika bangsa og þeirra sem tilheyra því samfélagi með einum eða öðrum hætti. Bangsar vita að það eru allskonar líkamar og allskonar fólk. Bangsar vita að þegar maður lítur ekki út eins og fólkið í tískutímaritum og flest fólk í sjónvarpi er auðvelt að fara að trúa því að maður sé þess ekki verðugur að vera elskaður. Bangsarnir sameinast um lífsgleði, samstöðu og samkennd.
Reykjavík Bear stendur yfir í fjóra daga með nokkrum fjölda skemmtana en þar á meðal eru heimsókn í Bláa lónið, ferð um Gullna hringinn, bangsabrunch, heimsókn í Sky lagoon og bangsapartý öll kvöldin. Á föstudagskvöld er Top-off partý á Gauknum þar sem gestum er boðið að skemmta sér berir að ofan og meðal skemmtikrafta eru DJ Mighty Bear sem blandar saman hinsegin menningu, drag og framúrstefnulegum tónum og DJ Neo Scott sem kemur frá Spáni. Á laugardag er svo aðalpartý hátíðarinnar sem haldið er á Sunset Bar í Reykjavík EDITION Þar mun DJ Joff frá Frakklandi skemmta alþjóðlegum hópi bangsa og ásamt heimafólki sem vill skemmta sér með þeim..
hátíð
Vel heppnað Hamingjukvöld í Hafnarfirði – Hlátur, gleði og samvera
Hamingjustund í Bæjarbíói á þriðjudaginn: „Einmanaleiki er eins og COVID-faraldur“
Hátíð Bangsafélagsins haldið um helgina: „Ljúfir, hressir, skemmtilegir og góðir við náungann“
Sænska Jónsmessuhátíðin á Árbæjarsafni sló í gegn: Gestir stigu hringdans undir fallegum fiðlutónum
Sænsk Jónsmessuhátíð á Árbæjarsafni á sunnudaginn: „Ég finn fyrir miklum stuðningi“
Athugasemdir