Leó Árnason, fjárfestir og eigandi fasteignafélagsins Sigtúns, bauð Tómasi Ellerti Tómassyni þáverandi bæjarfulltrúa Miðflokksins í Árborg, fjármuni í skiptum fyrir pólitíska fyrirgreiðslu fyrir kosningarnar árið 2020. Þetta fullyrðir Tómas Ellert í samtali við Heimildina. Birt eru gögn þessu máli til sönnunar í blaðinu.
Leó er sagður hafa boðist til að standa undir kosningabaráttu Miðflokksins gegn því að gripið yrði inn í viðskipti bæjarfélagsins með tilteknum hætti. Skilyrði fyrir stuðningi er sagt hafa verið það að Miðflokkurinn tryggði að Árborg félli frá kaupum á Landsbankahúsinu á Selfossi. Tómas Ellert segir frá þessu í viðtali við Heimildina. Ljóst má vera að ásakanirnar eru grafalvarlegar. Komi á daginn að um mútur sé að ræða er slíkt lögbrot sem alvarleg viðurlög liggja við.
Leó er náinn samstarfsmaður Kristjáns Vilhelmssonar, eins stærsta eiganda Samherja, en saman hafa þeir byggt upp nýja miðbæinn á Selfossi. Meint mútutilboð var borið fram eftir að Landsbankinn bauð húsið til sölu í nóvember árið 2020 og fyrir lá að sveitarfélagið átti hæsta tilboðið. Sigtún átti næsthæsta tilboðið og vildi samt hreppa hnossið. Þetta segir bæjarfulltrúinn fyrrverandi, Tómas Ellert Tómasson, í viðtali við Heimildina.
„Leó var að reyna að kaupa sér stuðning kjörins fulltrúa,“ segir Tómas Ellert. Rætt var við Leó í blaðinu sem þvertók fyrir umræddar mútur og lýsti samskiptunum með allt öðrum hætti.
Væntanlega mun málið verða rannsakað með það fyrir augum að að upplýsa hvað gerðist í raun á milli æskufélaganna og koma lögum yfir þá kunna að hafa lagt á ráðin um mútur á hendur bæjarfulltrúanum …
Athugasemdir