Eins og greint var frá í Mannlífi kom upp mat­ar­eitrun á þorra­blóti Jök­ul­dæl­inga í Brú­ar­ás­skóla fyrir austan þar sem Guðrún Haf­steins­dóttir, alþing­is­maður og fram­bjóð­andi til for­mennsku í Sjálf­stæð­is­flokknum, var stödd. Mannlíf hefur ítrekað reynt að ná sam­bandi við Guðrúnu til að fá upp­lýs­ingar um ástand hennar. Hún hefur í engu svarað og var uppi ótti um að óværan hefði lagst á hana.

Jakob Bjarnar Grét­ars­son, blaða­maður á Vísi, á ættir að rekja austur. Honum tókst með harð­fylgi nokkru að upp­lýsa að for­manns­efnið hefði sloppið við maga­kvalir og steinsmugu sem gjarnan fylgja óværunni. Sigvaldi H. Ragn­ars­son, bóndi og limur í þorra­blóts­nefnd­inni, stað­festi við hann að Guðrún væri við góða heilsu.

„„Jújú, hún var þarna stödd. Ég mætti á fund hjá henni klukkan 11 dag­inn eftir. Hún var á þeim fundi og hélt svo áfram sinni fund­ar­ferð. Og bar mikið lof á þorra­blótið. Þannig að hún var uppi­stand­andi,“ sagði Sigvaldi bóndi. Málið er upp­lýst og Guðrún þeys­ist alheil um landið og leitar atkvæða í slagnum við Áslaugu Örnu Sig­ur­björns­dóttur …