Arna Ýr Jóns­dóttir, áhrifa­valdur,  lenti í óskemmti­legri reynslu á dög­unum en sagði hún Instagram-fylgj­endum sínum frá því í gær.
„Ég ætla að fara var­lega í þetta topic en það er rosa alvar­legt eða sorg­legur hlutur búinn  að vera í gangi hjá mér síð­ustu vikur,“ segir Arna Ýr. Í fram­hald­inu seg­ist hún sjaldan láta hluti stoppa sig og að hún leggi iðu­lega allan sinn metnað í þau verk­efni sem hún taki sér fyrir hendur.

„Það er atvik sem kom upp fyrir ein­hverjum þremur til fjórum vikum síðan sem hefur látið mig efast um að ég nenni að halda áfram í því sem ég er að gera. Ég er komin yfir það bless­un­ar­lega séð enda er ég með frá­bært fólk í kringum mig, þá er ég að tala um Noah nappies, fyr­ir­tækið mitt“.

Þá segir hún erlent fyr­ir­tæki hafa sakað hana um að stela hönnun frá þeim og sendu henni að  eigin sögn mjög harð­orða hótun. Fyr­ir­tækið lét ekki þar við kyrrt liggja heldur tal­aði það illa um vöru­merki Örnu opin­ber­lega.

„Það er búið að sýna fram á að ég var alls ekki að stela neinni hönnun né herma eftir neinum,“ segir Arna og bætir við að erlenda fyr­ir­tækið sem um ræðir selji vörur til versl­unar á Íslandi. „Málið er að þetta fyr­ir­tæki er með vörur sem eru seldar í einni búð a Íslandi og það er bara svo ótru­lega vont að vita af því að þessi búð tók tækni­lega séð þátt i þessu“. Arna vill ekki nafn­greina versl­un­ina sem um ræðir en seg­ist mjög von­svikin yfir því að sam­keppnin á mark­að­inum sé svona.

„Þetta fyr­ir­tæki erlendis var búið að brjóta a mínu fyr­ir­tæki á marg­vís­legan hátt, bæði með meið­yrðum, stolnu mark­aðs­efni og já, þannig að ég fékk mér lög­fræð­ing“.

Undir lok mynd­skeiðs­ins seg­ist Örnu fram­koman í sinn garð ljót en sem betur fer hafi hún fengið mjög góðan stuðn­ing. Þá benti hún á mynd­skeið sem hún birti á Instagram-síðu Noah nappies þar sem hún útskýrði málið einnig á ensku. Arna Ýr á von á sínu þriðja barni með Vigni Bolla­syni en saman eiga þau systk­inin Ástrósu og Nóa. Það eru því spenn­andi tímar framundan hjá fjöl­skyld­unni og óskum við þeim alls hins besta.