Björn Birg­is­son gagn­rýnir fimm mín­útna reglu Almanna­varna og vill að Grind­vík­ingar fái 15 mín­útur til að sækja verð­mæti sín.

Sam­fé­lags­rýn­ir­inn orð­hagi frá Grinda­vík, Björn Birg­is­son, gagn­rýnir í færslu á Facebook, þann knappa tíma sem Grind­vík­ingar fá til að sækja verð­mæti sín í bænum. „Fólk kemur jafn­vel langt að, bíður klukku­stundum saman í bíla­röð, kemst svo eftir dúk og disk að heim­ili sínu – nán­ast til að geta ekki gert neitt!“ skrifar Björn og segir að 15 mín­útur væri betri tími.

Segist hann vera afar þakk­látur fyrir það starfs sem unnir er í Grinda­vík við hættu­lega aðstæður og kallar fólk sem við það starfar, „forn­fúsar hetjur.“ Tekur hann fram í lokin að hann nefni þetta á Facebook sem skoðun sína en vilji ekki rök­ræða hana né rétt­læta frekar.

Hér er færslan í heild sinni:

„Vil ekki vera nei­kvæður og gagn­rýn­inn á það sem verið er að gera í þessum aðstæðum, aðstæðum sem geta svo hæg­lega orðið miklu hættu­legri með mjög skömmum fyr­ir­vara.

En samt.Að mínu mati er þessi 5 mín­útna regla virki­lega vond regla.Fólk kemur jafn­vel langt að, bíður klukku­stundum saman í bíla­röð, kemst svo eftir dúk og disk að heim­ili sínu – nán­ast til að geta ekki gert neitt!15 mín­útur væru miklu nær lagi. Höfum í huga að svona heim­sókn í eigin híbýli – hugs­an­lega í síð­asta sinn – fylgir mikið álag við þessar aðstæður og þá líða 5 mín­útur á leift­ur­hraða og hug­ur­inn leitar út og suður í troð­fullum minn­inga­bank­anum.Er afar þakk­látur fyrir allt það starf sem unnið er við hættu­legar aðstæður í Grinda­vík og lít á það fólk sem vinnur við þessar aðstæður sem fórn­fúsar hetjur.Nefni þetta hér sem mína skoðun og ætla ekki að rök­ræða hana neitt eða rétt­læta hana.“