Linda Bene­dikts­dóttir, Linda Ben, upp­skrifta­höf­undur sem rekur upp­skrifta­síð­una linda­ben.is, er gift, tveggja barna móðir. Hún á gull­fal­legt heim­ili sem fylgj­endur hennar á sam­fé­lags­miðlum þekkja og þar galdrar hún reglu­lega fram dýr­ind­is­rétti og köku- og tertu­upp­skriftir og deilir hún galdr­inum á net­inu svo fleiri geti notið. Auðvitað lumar hún á flottum upp­skriftum fyrir jólin og ára­mótin.

Ljós­mynd­ari: Kazuma Takigawa

Lítil stúlka elskar að baka með mömmu sinni og ömmu. Móð­ur­amma hennar og -afi bjuggu á bóndabæ og var hún á sumrin mikið í eld­hús­inu með ömmu sinni þegar hún var að elda og baka fyrir vinnu­fólkið. Og litla stúlkan bak­aði bollur með ömm­unni. Og nátt­úran heill­aði. Gróð­ur­inn. Dýrin. Linda Ben nefnir sér­stak­lega ban­anarúllutertu ömmu Dúu. „Ég man hvað ég elskaði að fá þá köku. Hún var líka mjög fljót­gerð og amma og mamma hafa örugg­lega bakað þá köku af því að það tekur enga stund að baka hana þar sem ég bað mjög oft um að fá að baka. Þannig að sú kaka er sterk í minn­ing­unni.“

Ljós­mynd­ari: Kazuma Takigawa

Hún segir að hún sjálf hafi verið mjög ung þegar hún bak­aði í fyrsta skipti. „Ég man að ég hringdi oft í vinn­una til mömmu og spurði hvort ég mætti baka. Ég mátti það, en ég mátti ekki kveikja á ofn­inum fyrr en mamma kæmi heim. Ætli ég hafi ekki verið svona níu ára,“ segir Linda en við­talið má lesa í heild sinni hér.