Jón B. Birg­is­son, sviðs­stjóri aðgerða­sviðs Rauða kross­ins á Íslandi biðlar til þjóð­ar­innar að skapa jákvætt sam­fé­lag „þar sem öllum er boðið að taka þátt.“

Rætt hefur verið um það und­an­farið í fjöl­miðlum og á sam­fé­lags­miðl­unum, að bakslag hafi orðið í mál­efnum hæl­is­leit­enda og for­dómar gagn­vart þeim sé að aukast hér á landi. Jón B. Birg­is­son, sviðs­stjóri aðgerða­sviðs Rauða kross­ins á Íslandi skrifar um það bakslag í Facebook-færslu sem birt­ist í gær.

„Af hverju þetta bakslag? Á vinnu­staðnum mínum starfar fólk af 18 þjóð­ernum. Allt saman gott fólk. Sum fædd­ust á Land­spít­al­anum, önnur í fjar­lægum heims­hlutum. Fólk hefur ýmsar ástæður til að flytj­ast til Íslands. Sum staldra stutt við og starfa við tíma­bundin verk­efni. Önnur koma bein­línis til að setj­ast hér að. Sum flýja óbæri­legt ástand. Önnur langar að prófa eitt­hvað nýtt. Það hjálpar engum að draga fram skáld­aðar stað­hæf­ingar um að sumir „hópar“ séu svona eða hinsegin.“ Svona byrjar færsla Jóns en hann seg­ist sjálfur til­heyra ýmsum hópum.

„Ég til­heyri ýmsum hópum. Sumum hópum kaus ég að til­heyra. Aðra hópa fædd­ist ég inn í. Við erum öll alls­konar, hvort sem við vorum alin upp við soðna ýsu eða bragð­meiri mat. Reynum að þroskast frá „við-og-hin-hyggju“ for­tíðar yfir í jákvætt sam­fé­lag þar sem öllum er boðið að taka þátt. Sama hvaðan þau komu.“

Að lokum segir Jón að fólk sem geri slæma hluti fyr­ir­finn­ist í öllum sam­fé­lögum en að það þýði ekki að allir í þeim sam­fé­lögum séu vont fólk. Við færsl­una birtir hann svo ljós­mynd af einni af hvítu rútum sænska Rauða kross­ins sem björg­uðu um 15.000 manns frá hræði­legum örlögum við lok seinni heim­styrj­ald­ar­innar.

„Í öllum sam­fé­lögum er til fólk sem gerir slæma hluti. Hvert sam­fé­lag hefur bjargir til að takast á við það. Það að einn íbúi í Gerðunum brjóti af sér gerir ekki alla íbúa í Gerðunum að vondu fólki. Fjöl­breytt sam­fé­lag er gott sam­fé­lag. Myndin er af einni af hvítu rútum sænska Rauða kross­ins sem björg­uðu 15.000 manns úr hrylli­legum aðstæðum við lok seinna stríðs. Þær ólýs­an­legu aðstæður sköp­uð­ust vegna þess að fólk fór að alhæfa og draga fólk í dilka. Og úthýsa sumum…með þekktum afleið­ingum. Það tókst ekki öllum að kom­ast um borð í hvítu rút­urnar.“