Gunnar Smári Egilsson segir „stjórn­mála­el­ít­una“ hafa „fundið sér blóra­böggla til að fela eigin van­rækslu og fyr­ir­hyggju­leysi, rétt­læt­ingu fyrir nið­ur­drep allra inn­viða.“

Sós­í­alista­for­ing­inn Gunnar Smári Egilsson skrif­aði Facebook-færslu í gær þar sem hann bendir á tölu­legar stað­reyndi í hæl­is­leit­enda­málum á Íslandi og gagn­rýnir í kjöl­farið mál­flutn­ing stjórn­mála­manna. „Frá sept­em­ber 2022 til jan­úar 2023 sóttu 2.422 um hæli á Íslandi. Frá sept­em­ber 2023 til jan­úar 2024 sóttu 1.368 um hæli. Þetta er fækkun um 1.054 eða um 44%. Samt þurfum við dag eftir dag að hlusta á stjórn­mála­fólk belgja sig út um stjórn­leysi á landa­mærum, að ekk­ert verði við neitt ráðið og að grípa þurfi til aðgerða strax. Og helst þurfi að þrengja að þeim sem hingað koma á eigin vegum upp á von og óvön.“

Gunnar Smári bendir einnig á að í raun hefur orðið fækkun á komu fólks utan Úkraínu og Venes­ú­ela upp á 39 pró­sent. „Og helst þurfi að þrengja að þeim sem hingað koma á eigin vegum upp á von og óvön. Á fimm mán­aða tíma­bili frá sept­em­ber 2022 til jan­úar 2023 komu 573 frá öðrum löndum en Úkraínu eða Venes­ú­ela. Á fimm mán­aða tíma­bili frá sept­em­ber 2023 til jan­úar 2024 komu 347 frá öðrum löndum en Úkraínu eða Venes­ú­ela. Þetta er fækkun um 226 eða um 39%. Fyrir utan til­boð stjórn­valda til íbúa Úkraínu og Venes­ú­ela varð hér engin aukn­ing hæl­is­leit­enda sem ekki mátti skýra með smá kúf sem fylgdi eftir cóvid. Allt tal stjórn­mála­fólks­ins um að sér­reglur á Íslandi dragi fólk hingað í meira mæli en til ann­arra landa er þvæla. Fyrir utan að fjöldi hæl­is­leit­enda sem hingað koma á eigin vegum skýra á engan hátt auk­inn kostnað við hæl­is­leit­enda­kerfið og enn síður veika stöðu inn­viða og grunn­kerfa sam­fé­lags­ins.“

Sós­í­alista­for­ing­inn segir að „stjórn­mála­el­ítan“ hafi þarna fundið sér blóra­böggla. „Stjórn­mála­el­ítan hefur fundið sér blóra­böggla til að fela eigin van­rækslu og
fyr­ir­hyggju­leysi, rétt­læt­ingu fyrir nið­ur­drep allra inn­viða. Og hún valdi bjarg­ar­laust fólk, fólk sem ekk­ert á nema fötin sem það stendur í. Þetta er skammar­leg­asta fram­ganga yfir­valda á minni ævi. Ég hef ekki orðið vitni að öðru eins um mína daga.“

Illugi Jök­uls­son rit­höf­undur og fjöl­miðla­maður, deildi færslu Gunnars Smára á Facebook og skrif­aði eft­ir­far­andi við færsl­una: „Lesið. Þetta er því miður rétt. Eltist ekki við óhæf­una Sam­fylk­ing­ar­menn.“

Þessu svarar Gunnar Smári:

„Of seint. Sam­fylk­ingin er komin á vagn­inn. Skoðaðu bara Facebook. Maður sá afleið­ingar þess þegar Bjarni Ben skvetti olíu á eld­inn. En bálið gaus svo enn frekar upp þegar Kristrún hellti úr sínum fötum. Ég hef aldrei séð aðra eins sveiflu í ummælum eins og síð­ustu daga. Það er eins og sam­fé­lagi logi stafn­ana á milli af ras­isma og Islamó­fó­bíu. Kannski er þetta var­an­leg eyði­legg­ing, kannski erum við komin inn í öld hat­urs­ins.“