Sjóarinn brá sér vestur á Flateyri og hitti þar fyrir Ólaf Ragn­ars­son, sem alla jafna er kall­aður Óli popp, en hann er hvað þekkt­astur fyrir að hafa samið dæg­ur­laga­perluna Hafið eða Fjöllin.

Þeir Reynir og Óli rifj­uðu upp þegar þeir komust í háska þegar þeir voru saman á vakt á skip­inu Gylli en hann hafði náð þá ríf­lega 100 tonnum af fiski í einu holli og fór nán­ast á hlið­ina. „Það var rosa­legt,“ sagði Óli og Reynir sam­sinnti. Og Óli hélt áfram: „Það var svona það eft­ir­minni­leg­asta á Gylli.“

Reynir: „Það varð uppi fótur og fit. Aflinn fór allur yfir á aðra hlið­ina.“

Óli hlæj­andi: „Já, og svo týndum við einn og einn fisk yfir til að rétta hann af.“

Reynir með handa­hreyf­ingum: „Já, hann keyrði í hringi til að láta vog­ar­aflið vinna gegn þessu. En mönnum leyst ekk­ert á blik­una.“

Óli: „Nei, og við vorum nátt­úru­lega á vakt þegar þetta gerð­ist, við félag­arnir.“

Reynir: „Heldur betur. Og vorum að henda fiski yfir.“

Óli: „Þetta er svona það eft­ir­minni­leg­ast á Gylli.“

Reynir: „Varstu smeykur í þess­ari stöðu?“

Óli: „Nei, aldrei.“

Reynir kím­inn: „Við vorum aldrei hræddir, jaxl­arnir.“

Óli: „Nei. Við vorum með svo frá­bæran skip­stjóra.“

Reynir: „Já, Grétar Krist­jáns­son var og er stór­kost­legur náungi.“

Óli: „Já, hann er með eft­ir­minni­leg­ustu mönnum sem ég hef kynnst.“

Sjáðu við­talið í heild sinni hér.