Jón Gnarr er heldur betur kominn á fullt í baráttunni um Bessastaði sem framundan er.
Segir:
„Ég þakka fyrir öll góðu boðin um heimsóknir sem mér hafa borist síðustu daga og skilaboðin sem ég hef fengið. Èg reyni að svara öllum og ég og mitt fólk erum að skipuleggja ferðir um landið í maí. Þar sem ég er sjálfstætt starfandi listamaður þá er ég bundinn af verkefnum sem ég er í. Ég er að leika í leikriti í Borgarleikhúsinu og í nýjum íslenskum sjónvarpsþáttum sem heita Felix og Klara þar sem við Edda Björgvins, mín andlega móðir, leikum fullorðin hjón.“
Bætir við:
„Ég þarf mikið smink og tekur um 3-4 klt að umbreyta mér í 79 ára gamlan mann. Þessar upptökur voru löngu ákveðnar. Þetta er mjög dýr og fjölþjóðleg sjónvarpssería og engin leið að fresta tökum eða hnika tökuplaninu. Ég mæti í smink yfirleitt kl 6 að morgni, stundum fyrr. Hver tökudagur eru 12 klst. þannig að ég er búinn kl 18.00. Ég vinn að kosningamálum á kvöldin en þarf að vera sofnaður ekki seinna en 22.00.
Svo næ ég glompum inná milli á tökudögum, tek viðtöl, símtöl og skrifa pósta einsog þennan Ég var meðvitaður um þetta áður en ég ákvað að bjóða mig fram til forseta og að þetta gæti orðið nokkuð krefjandi.
En ég ákvað að slá til.“
Jón er þakklátur eiginkonu sinni, sem hann segir að styðji sig alla leið:
„Og Jóga eiginkona mín styður mig 100% og stendur með mér í þessu öllu.“
Nefnir þetta að lokum:
„Ég nýt þeirrar blessunar að vera með ADHD, sem ég meðhöndla ekki með lyfjum, og er nú að nýta HD hlutann í botn. Það má segja að ég sé Full HD þessa dagana Í gær vann ég 12 tíma vinnudag og fór svo í tveggja tíma kappræður á RÚV og fannst ég bara standa mig ágætlega. Ég var mættur í sminkið kl. 6 í morgun. Þegar tökudegi lýkur fer ég beint niðrí Borgarleikhús og er þar í leiksýningu frá 8-11. (Sem betur fer síðasta sýningin). Ég er ekki að barma mér neitt fyrir þetta, langt í frá. Ég vil bara upplýsa fólk um stöðu mína. Ísland hefur alltaf haft nóg fyrir mig að gera og fyrir það er ég þakklátur Mun reyna að fara sem víðast og nýta helgar og helgidaga. Sendi annars hlýju til ykkar allra og hlakka til að hitta ykkur hingað og um okkar yndislega land.“
forsetakosningar
L.A. Times styður ekki Harris í forsetakosningunum: „Við drögum línuna við þjóðarmorð“
Billie Eilish lýsir yfir stuðningi við Harris: „Við getum ekki látið öfgamenn stjórna lífi okkar“
Biden táraðist á landsfundi Demókrata: „Hún er hörð, hún hefur reynslu og hefur gríðarleg heilindi“
Tim Walz er varaforsetaefni Kamala Harris
Ásdís Rán stendur með Höllu forseta: „Það er nú í lagi að gera smá forseta díl í bílakaupum“
Athugasemdir