Pétur Eggerz Pét­urs­son, aðgerð­ar­sinni, tón­list­ar­maður og hreyfi­hönn­uður skorar á starfs­menn frétta­stofu Rík­is­út­varps­ins til að gera betur í umfjöllun sinni um þjóð­ar­morðið á Gaza.

„Þetta er opið ákall til allra starfs­manna frétta­stofu RÚV, að kynna sér eft­ir­far­and punkta sem ég mun fara yfir hérna,“ segir Pétur Eggerz í nýju mynd­skeiði á Instagram en hann hefur verið afar gagn­rýn­inn á frétta­flutn­ing Rík­is­út­varps­ins um það þjóða­morð sem Ísraelar eru að fremja á Palest­ínu­mönnum og það í beinni útsend­ingu. Pétur heldur áfram: „Og taka sér afstöðu og standa upp gegn þess­ari kerfi­bundnu þöggun á þjóð­ar­morð­inu í Palest­ínu, lög­reglu­of­beld­inu í Þýska­landi og á þöggun sam­fé­lags­miðl­arisanna á þessum við­fangs­efnum.“ Þarna á Pétur við það aukna ofbeldi lög­reglu í Þýska­landi á frið­sömum mót­mæl­endum and­stæð­inga þjóð­ar­morðs­ins, sem náðst hafa á mynd­skeið og farið á milli manna á inter­net­inu und­an­farið og þau skugga­bönn sem fólk hefur lent í eftir að hafa birt fregnir af ódæð­is­verkum Ísra­els­hers í Palest­ínu.

Tíminn er runninn út

Pétur heldur áfram: „Og ég vil benda á að sá tími til þess að segja að fólk hafi ekki vitað hvað var í gangi er varðar þetta mál­efni, hann er runn­inn út. Þannig að núna, verðið þið að tala saman inn­an­húss, þið verðið að bera saman bækur og nota ykkar sér­menntun til þess að fara yfir þetta mál. Í dag er í fyrsta skipti sem að RÚV fjallar um það skipu­lagða land­rán sem Ísrael hefur staðið í á norð­ur­strönd Gaza en gerir það bara eftir að land­ránið hefur átt sér stað.“

Eft­ir­leikur enn einnar árásar Ísraela á Norð­ur­strönd Gaza.

Mynd: Trausti Haf­steins­son

Stað­hæfir Pétur að RÚV hafi verið bent á að opin­berir aðilar innan Ísra­els­hers hafi fyrir mörgum vikum síðan, stigið fram og sagt að til­gangur verk­efn­is­ins sé að inn­lima norð­ur­strönd Gaza inn Ísra­els­ríki. Bendir Pétur á erlendar fréttir sem stað­festa þetta frá 13. októ­ber síð­ast­liðnum. „Þannig að allar aðgerðir, allar árásir á flótta­manna­búðir og spít­ala, þetta hefur allt verið partur af kerf­is­bundnu land­ráni og allar upp­lýs­ing­arnar hafa legið fyrir. Af hverju er ekki fjallað um þetta? Er það af því að blaða­menn vilja ekki fjalla um þetta? Eða er það vegna þess að rit­stjórn vill ekki tala um það? Af hverju talið þið ekki um raun­veru­leik­ann eins og hann sýnir sig?“

Lögregluofbeldið í Þýskalandi

Því næst snýr Pétur sér að lög­reglu­of­beld­inu í Þýska­landi en Amnesty International hefur kraf­ist þess að ofbeldið sem frið­samir mót­mæl­endur þjóð­ar­morðs­ins hafa verið beittir af lög­regl­unni í Þýska­landi, verði rann­sakað: „Við erum öll að sjá mynd­böndin frá Þýska­landi, þar sem að Pro-Palestine mót­mæl­endur verða fyrir hrotta­legu ofbeldi og sér­stak­lega í ljósi þeirra árása sem mót­mæl­endur á Íslandi hafa orðið fyrir, þá skiptir miklu máli að við sjáum fram­þróun mála hvað þetta varðar. Af hverju minn­ist þið ekki á það?“

Frá mót­mælum í Þýska­landi

Mynd: Trausti Haf­steins­son

Að lokum bendir Pétur á að sam­fé­lags­miðl­aris­inn Meta sé að beita sér gegn dreif­ingu frétta af þjóð­ar­morð­inu. „Og að lokum þá er Meta að beita sér sér­stak­lega gegn pro-Palestine mót­mæl­endum og þagga niður umræð­una um mann­rétt­inda­brot. Þið hafið aldrei fjallað um þetta.“