Sólveig Anna Jóns­dóttir, for­maður Eflingar og fram­bjóð­andi Sós­í­alista í Reykja­vík, styður ekki kröfur kenn­ara sem krefj­ast þess að fá allt að milljón krónur á mán­uði í laun og taka þannig hel­har­stökk fram úr því fólki sem stendur að baki svo­nefndum lífs­kjara­samn­ingum. Þetta kemur fram í grein hennar á Facebook þar sem hún bók­staf­lega hjólar í Þórunni Svein­bjarn­ar­dóttur, alþing­is­mann og fyrr­ver­andi for­mann BHM. Þórunn skrif­aði blaða­grein þar sem hún styður kröfur kennar­anna og þar með skæru­verk­föll þeirra sem staðið hafa vikum saman gegn fámennum hópi nem­enda.

Jöfnun launa stendur og fellur með því að aðilar vinnu­mark­að­ar­ins standi saman um hana, rétt eins og sam­komu­lag hefur verið um krónu­tölu­hækkun lægstu launa,“ skrifar Þórunn og reitir Sólveigu Önnu til reiði. Hún segir þetta vera furðu­lega stað­hæf­ingu og spyr hvort þing­konan haldi virki­lega að aðferða­fræði krónu­tölu­hækk­ana snú­ist um að aðeins lág­launa­fólkið not­ist við slíka nálgun þegar kemur að kjara­bótum, en aðrir fái pró­sentu­hækk­anir.
„Ég á reyndar mjög bágt með að trúa því að þing­konan skilji þetta ekki. Hún var árið 2019 for­maður BHM og leiddi sjálf harða bar­áttu gegn flötum krónu­tölu­hækk­unum. Eins og sagði í einni ályktun BHM undir for­ystu Þórunnar: „Aðildar félög BHM hafna alfarið flatri krónu­tölu­hækkun launa þar sem slíkt sam­rým­ist ekki kröfum félag­anna um eðli­legan fjár­hags­legan ávinn­ing háskóla­mennt­unar og getur falið í sér kjara­rýrnun.“ Barátta BHM og Þórunnar skil­aði árangri; ríkið samdi við hálauna­hópa BHM um pró­sentu­hækk­anir langt umfram flata krónu­tölu­hækkun Lífs­kjara­samn­ing­anna. Það var reyndar gert í leyni og um það kom ekk­ert fram í samn­ings­text­anum, þvert á móti var þar gefið sterk­lega til kynna að hækk­an­irnar væru þær sömu og hjá öðrum,“ skrifaer Sólveig Anna og nefnir  áróð­urs­aug­lýs­ingu þar sem að kjör Önnu ómennt­uðu og háskóla­kon­unnar Berg­lindar voru borin saman. Hún segir að BHM hafi komst að þeirri stór­kost­lega áhuga­verðu nið­ur­stöðu að ómennt­aða lág­launa­konan Anna hefði það í raun miklu betra en Berglind, sem að var þó alltaf að skila verð­mætum til sam­fé­lags­ins, ólíkt Önnu ómennt­uðu sem hafi aðal­lega verið að fá bætur frá hinu opin­bera.

„Full­yrð­ing fyrrum for­manns BHM og núver­andi þing­konu Sam­fylk­ing­ar­innar um eitt­hvað sam­komu­lag um krónu­tölu­hækk­anir fyrir lág­launa­fólk sýnir ann­að­hvort algjört skiln­ings­leysi á því um hvað áherslan á krónu­hækk­anir snýst, eða er ódýrt og lélegt retórískt bragð ein­stak­ings í kosn­inga­bar­áttu, sem að allir ættu að sjá sam­stundis í gegnum. Í fyrsta lagi er það ósatt að lág­launa­fólk sé æst í krónu­tölu­hækk­anir fyrir sig á meðan að aðrir fá ríf­legar pró­sentu­hækk­anir. Enda erum við ómennt­aða lág­launa­fólkið ekki fífl,“ skrifar Sólveig Anna og áréttar að ósatt sé að ein­hver sátt hafi ríkt innan íslenskrar verka­lýðs­hreyf­ingar um nokkurn skap­aðan hlut und­an­farin ár þegar kemur að því að móta þær leiðir sem að farið er í kjara­samn­ingum. Þvert á móti hafi BHM rekið harða stétta­bar­áttu gegn verka og lág­launa­fólki árum saman sem ekki sjái fyrir end­ann á.

„En það virð­ist ein­fald­lega ætl­ast til þess að við, verka­fólkið, styðjum mögl­un­ar­laust bar­áttu mennta­fólks fyrir enn betri launum. Þrátt fyrir að þau hafi aldrei stutt okkur í einu né neinu,“ skrifar Sólveig Anna.