Fimmt­ungur allra þeirra fyr­ir­tækja sem Efling stétt­ar­fé­lag sendi bréf vegna kjara­samn­ings SVEIT, sam­taka fyr­ir­tækja á veit­inga­mark­aði, við hið meinta gervi­stétt­ar­fé­lagið Virðingu hefur sagt sig úr sam­tök­unum sam­kvæmt yfir­lýs­ingu frá Eflingu. Þá hafa enn fleiri fyr­ir­tæki lýst því að þau muni fylgja kjara­samn­ingum Eflingar og Samtaka atvinnu­lífs­ins.

Sólveig Anna Jóns­dóttir, for­maður Eflingar, sendi bréf til aðild­ar­fyr­ir­tækja SVEIT fyrir hádegi í gær þar sem tíund­aðar voru þær aðgerðir sem Efling hyggst ráð­ast í gegn SVEIT og ein­stökum aðild­ar­fyr­ir­tækjum, vegna kjara­samn­ings við Virðingu en Efling telur þann samn­ing vera ólög­legan. Þegar hafa borist við­brögð frá tugum fyr­ir­tækja.

Af þeim 108 fyr­ir­tækjum sem fengu téð bréf sent hafa 22 fyr­ir­tæki nú þegar lýst því að þau hafi gengið úr SVEIT eða hafi óskað eftir úrsögn sam­kvæmt til­kynn­ingu Eflingar. Það er fimmt­ungur þeirra fyr­ir­ækja sem Efling sendi bréfið á. Þá hafa alls 33 fyr­ir­tæki lýst því að þau muni fylgja kjara­samn­ingi Eflingar, eða tæpur þriðj­ungur. Einnig hafa félag­inu borist stað­fest­ingar á hinu sama frá fyr­ir­tækjum sem ekki fengu umrætt bréf.

„Ég er mjög ánægð með þau við­brögð sem mér hafa borist frá for­svars­mönnum veit­inga­húsa. Lang­flestir hafa lýst yfir fullum vilja til að fylgja lög­legum kjara­samn­ingum og virða rétt­indi síns starfs­fólks. Það er jafn­framt ánægju­legt að sjá fyr­ir­tækin segja sig úr SVEIT, en í því felst skýr afstaða gegn þeim ömur­lega blekk­ing­ar­leik sem SVEIT hafa sett á svið í gegnum gervi­stétt­ar­fé­lagið Virðingu,“ segir Sólveig Anna í til­kynn­ing­unni.