Guðbjörg Ása Jóns Huldudóttir gagnrýnir fréttastofu RÚV harðlega fyrir að fjalla ekkert um raunir Palestínumanna á sjálfan fæðingardag frelsarans, sem fæddist einmitt í Palestínu.
Neminn Guðbjörg Ása Jóns Huldudóttir, sem hefur verið í framvarðasveit mótmælanna gegn þjóðarmorðinu í Palestínu síðastliðið árið á Íslandi, skrifaði sterka færslu á Facebook í gær. Þar gagnrýnir hún fréttastofu RÚV harkalega fyrir að fjalla ekki um þær hörmungar sem enn dynja á Palestínumönnum vegna áframhaldandi árása Ísraelshers á sjúkrahús, skóla, tjaldbúðir og fleiri mannvirki sem kostað hafa tugi mannslífa síðustu daga. Þá hafa minnst þrjú ungabörn frosið í held þar síðustu daga og hundruðir þúsunda eru að deyja úr hungri á Gaza. Guðbjörg Ása ritaði:
„Jóladagur, 25 desember. Samkvæmt okkar nútímamenningu haldinn hátíðlegur vegna fæðingar frelsarans. Allt í góðu með það. Við fengum langa frétt á RÚV – Fréttir um fólk sem er annt um að brenna af sér mat í World Class, ferðamenn sem eru veðurtepptir og frétt af gömlu húsi á Seyðisfirði. Áhugaverð frétt, en kannski ekki akút á jóladag. Erlend stríðsfrétt frá Úkraínu: Rússar ráðast á orkuinnviði og Úkraínumenn á ákveðnu svæði missa rafmagn í 4 klst. á dag. Ekkert að frétta frá fæðingarlandi frelsarans, frá Betlehem eða rafmagnsleysi á helfararsvæðinu. Eða, þ.e.a.s. RÚV finnst það ekki koma Íslendingum við því raunar er ýmislegt að frétta.“
Segir Guðbjörg Ása að annað árið í röð séu engin jól haldin í Betlehem.
„Annað árið í röð eru ekki haldin jól í fæðingarborg frelsarans, Betlehem. Páfinn er brjálaður.Landránsnýlendan Ísr hefur sprengt kirkjur í Palestínu og Líbanon.30+ myrt í dag, jóladag, á Gaza-ströndinni af þið vitið hverjum.Skólar, tjaldbúðir og heimili sprengd, af þið vitið hverjum.Áframhaldandi berserksgangur og brottnám Hell-hersins á fólki á Vestur bakkanum.Um 1000 kristinna manna sem leitað hafa skjóls í grísku rétttrúnaðarkirkjunni í Gaza-borg verða fyrir áframhaldandi árásum.
Fyrir utan allt annað fólk á Gaza ströndinni sem tilheyrir trú sem viðurkennir Jesú Krist sem spámann.“
Að lokum minnist Guðbjörg Ása á útvarpsleikrit sem byggir á sannri frásögn Palestínumanns sem dvelur hér á landi en hann missti öll fjögur börn sín og eiginkonu í einni sprengingu Ísraelshers á heimili þeirra í fyrra.
„Þegar man hefur hlustað á aðra eins frásögn eins og þá af lífi Ahmed í útvarpinu í dag getur man ekki orðið annað en brjáluð yfir þessu viðbjóðslega vestræna forréttindafréttavali.
Hlekkur á sögu Ahmeds er í athugasemd
.
Gleðileg jól. Eða eitthvað.“
Í samtali við Mannlíf vildi Guðbjörg Ása taka fram að henni hafi verið bent á að frétt frá Palestínu hafi verið sýnd á RÚV á aðfangadag en stendur að öðru leyti við gagnrýni sína, enda hafi RÚV ekki staðið sig nægilega vel í fréttaflutningi af þjóðarmorðinu.
þjóðarmorð
Segir Netanyahu staðráðinn í að ráðast aftur á Gaza: „Mun skapa gríðarleg vandamál“
Segja herinn hafa drepið ísraelsku fjölskylduna á Gaza – Líkamsleifarnar sagðar hafa blandast saman
Undirskriftarsöfnun gegn þátttöku Íslands í Eurovision hafin – Allir flytjendur vilja keppa úti
Minnst þrír Palestínumenn drepnir á Gaza – Sonur bæjarstjóra í Líbanon myrtur í drónaárás
Ísraelar hafa brotið 266 sinnum á vopnahléssamkomulaginu – Minnst 132 Palestínumenn drepnir
Athugasemdir