Þau undur og stórmerki gerast nú að sjálfstæðismenn stíga hver af öðrum fram og efast um stjórnkænsku Bjarna Benediktssonar formanns sem skilaði flokki sínum í gegnum liðnar kosningar í sögulegu tapi. Til stendur að halda landsfund flokksins í febrúar en raddir eru uppi um að fresta fundinum fram á haust. Bjarni er sagður þrýsta á um það til að kaupa sér tíma.
Bessý Jóhannsdóttir, fyrrverandi borgarfulltrúi Sjálfstæðisflokksins og leiðtogi eldri borgara, gefur Bjarna falleinkunn og vill halda landsfund sem fyrst til að kjósa. Diljá Mist Einarsdóttir alþingismaður er á sömu nótum og vill endurnýja forystuna. Ljóst er að innan flokksins hefur risið bylgja gegn Bjarna sem formanni.
Enginn hefur stigið fram til að mæla með honum sem formanni áfram. Jens Garðar Helgason, nýkjörinn alþingismaður, kemst næst stuðningi við formanninn með furðurlegri yfirlýsingu um að það sé „slæm tímasetning“ með tilliti til veðurs og færðar að halda landsfund í vetur. Ljóst er að brotnað hefur undan Bjarna og hann á varla annars kost en að víkja sem formaður …
Athugasemdir