Sigríður Andersen er mætt aftur á Alþingi Íslendinga en í þetta sinn fyrir hönd Miðflokksins eftir að kom í ljós að hún hafði ekki lengur hljómgrunn í Sjálfstæðisflokknum. Í tilefni þess að Valkyrjustjórnin opnaði samráðsgátt þar sem almenningur er hvattur til að setja fram hugmyndir um sparnað í ríkisfjármálum stakk dómsmálaráðherrann fyrrverandi upp á því í viðtali að leggja niður ÁTVR í því skyni.
Vel getur verið að hægt sé að færa rök fyrir því að leggja niður ÁTVR til að spara einhverjar krónur og aura með slíkri aðgerð þó að það sé augljóslega ekki aðalástæða þess að Sigríður vilji loka Ríkinu.
Það er hins vegar áhugavert að manneskja sem hefur kostað íslensku þjóðina rúmar 140 milljónir króna, hið minnsta, vegna lögbrota í starfi sínu sem dómsmálaráðherra sé að ráðleggja öðrum um sparnað. Sennilega væri best ef Sigríður myndi spara stóru orðin …
Athugasemdir