Óðinn Jónsson segir það ekki koma á óvart að Einar Þorsteinsson „langi aftur heim til sjallanna“.
Fyrrverandi fréttastjóri RÚV, Óðinn Jónsson, skrifaði í gær Facebook-færslu þar sem hann hálf partinn eignar sér árangur Einars Þorsteinssonar í borgarpólitíkinni.
„Stundum hef ég hugsað með sjálfum mér og jafnvel upphátt að Einar Þorsteinsson hefði i mesta lagi orðið bæjarstjóri sjálfstæðismanna í Kópavogi en ekki borgarstjóri framsóknarmanna í Reykjavík ef ég hefði ekki á sínum tíma boðið íþróttafréttamanninum, sem hann var, stöðu fréttamanns í innlendum fréttum og svo síðar í ritstjórn Landans. Auðvitað er þetta sjálfhverft hjal í stíl fjölmiðlamanna.“ Þannig hefst færsla Óðins en hann segir næst að það sé ekkert skrítið að Einar vilji nú fara aftur til Sjálfstæðisflokksins.
„Það kemur hins vegar ekki á óvart að Einar langi aftur heim til sjallanna. Framsókn er rúin fylgi bæði á landsvísu og í borginni. Svo er forystuleysið í Samfylkingunni í borginni himinhrópandi eftir brotthvarf Dags. Ekkert forystuefni er þar eftir. Nú er tækifæri, hugsar Einar, en gleymir kannski að aðrir gætu haft aðrar hugmyndir. Það þarf mikla reynslu og hæfileika til að sóla upp völlinn og skora mark. Ekki er nóg að vera hugdjarfur og sveigjanlegur, eins og Einar sannarlega er.“
Að lokum segir Óðinn að útspil Einars muni mögulega leiða til umbóta en „ekkert endilega undir forystu Framsóknar“:
„Við sjáum hvað setur. Þetta útspil gæti leitt til nauðsynlegra umbóta á stjórn Reykjavíkur – en það verður ekkert endilega undir forystu Framsóknar, sem er nú ekki beinlínis framfarasinnaðasta afl samtímans.“
Borgarmál
Einar tekur brátt við af Degi: „Þetta hljómar meira eins og lygasaga eða frumsaminn skrípaleikur“
Athugasemdir