Gríð­ar­leg harka er hlaupin í for­manns­slag þeirra Áslaugar Örnu Sig­ur­björns­dóttur og Guðrúnar Haf­steins­dóttur. Á hverf­is­fundi í Fossvogi í fyrra­dag þykj­ast stuðn­ings­menn Guðrúnar merkja að smalað hafi verið fyrir Áslaugu til að tryggja að hennar full­trúar næðu inn á lands­fund. Barist er um öll sæti á lands­fund­inum þar sem full­trú­arnir munu ráða hver verður næsti for­maður Sjálf­stæð­is­flokks­ins í stað Bjarna Bene­dikts­sonar sem hrökkl­að­ist af for­mann­stóli í kjöl­far sögu­legs taps í kosn­ing­unum í des­em­ber.

Til tíð­inda dró á aðal­fundi Félags sjálf­stæð­is­manna í Smáíbúða-, Bústaða- og Foss­vogs­hverfi. Erlendur Borg­þórs­son, fyrr­ver­andi for­maður félags­ins, sem hefur verið virkur í flokknum í ára­tugi, fékk ekki sæti á lista félags­ins fyrir lands­fund. Hann sagði við Vísi að ljóst væri að fylk­ing Áslaugar Örnu hafi smalað á fundi hverf­is­fé­lags­ins. „Þetta er nátt­úru­lega gegn öllum hefðum í flokknum,“ segir Erlendur við Vísi og heldur því fram að þeir sem valdir eru á lands­fund hafi starfa innan flokks­ins og sinnt sjálf­boða­liða­starfi í um ára­bili og hafi yfir­leitt verið sjálf­kjörnir.

Þessi staða er nokkuð merki­leg í því ljósi að Guð­laugur Þór Þórð­ar­son, einn helsti stuðn­ings­maður Guðrúnar, er þekktur fyrir að hafa sterk tök á hverfa­fé­lögum í Reykja­vík og ann­ál­aður fyrir klók­indi við að ná þeim styrk sem þarf.

Erlendur segir að hall­ar­bylt­ing hafi átt sér stað í félag­inu og það sama hafi verið reynt í Árbæj­ar­hverfi fyrir ára­mót og Nes­hverfi og Holta­hverfi í vetur. Hann segir ófrið­ar­á­stand ríkja hjá hverfa­fé­lögum Sjálf­stæð­is­flokks­ins og þessu sé „stjórnað af Áslaugu Örnu“ sem kyndi upp ófrið­ar­bál.

Þetta stríð í myrkviðum Sjálf­stæð­is­flokks­ins er ekki síst merki­legt fyrir þær sakir að bæði Áslaug og Guðrún hafa haldið því fram að þær beiti engum belli­brögðum i bar­átt­unni og séu nán­ast eins og systur …