Flestum þykir ekk­ert til­töku­mál að sjóða eitt lítið egg og í raun er það ekk­ert mál, bara vatn í pott og sjóða í nokkrar mín­útur. Margir hafa sterkar skoð­anir á því hvernig þeir vilja hafa eggin sín soðin en vita ekki alveg hvaða suðu­tími er bestur. Við hér á Gest­gjaf­anum ákváðum því að sjóða nokkur egg og skoða eldun þeirra á nokk­urra mín­útna milli­bili og mynda útkom­una svo þið les­endur góðir getið notið góðs af og soðið ykkur full­komið egg.

Eggjasuða

Setjið vatn í lít­inn pott og saltið aðeins vatnið, það herðir skurn­ina og kemur í veg fyrir að eggin springi. Látið suð­una koma upp og setjið eggin var­lega út í með skeið og lækkið aðeins hit­ann. Stillið strax klukku til að fylgj­ast með tím­anum.

Þegar eggið hefur soðið í þann tíma sem hentar ykkar smekk takið það þá upp úr og setjið í skál með ísköldu vatni þannig að suðan á egg­inu hætti. Ef egg springur á meðan á suðu stendur má setja edik út í vatnið það hjálpar til við að binda saman skurn­ina þannig að sem minnstur skaði verði. Mæl­ing­arnar hér að neðan eru mið­aðar við með­al­stærða á eggjum og því þarf ýmist að bæta við tím­ann eða minnka allt eftir stærð eggj­anna, 30 sek­úndur til 1 mín­úta ætti að duga.