Smjör­k­urnar eru fyrir miðju. Vínberin neðst til vinstri og krydd­m­aukið efst til hægri.

ANANAS-KRYDDMAUK

Ananas krydd­mauk er mjög gott með ostum, það passar líka vel sem með­læti með kjöti og ind­verskum mat. Prófið að setja svo­lítið af anana­skrydd­m­auki á skinku­pítsu, það smakk­ast mjög vel.

olía til steik­ingar

4-6 skalot­laukar, smátt saxaðir

2 rauð chili-aldin, smátt skorin

1 ferskur ananas, afhýddur, kjarn­hreins­aður og skor­inn í bita

1 1/2 dl púð­ur­sykur

1 dl hrís­grjóna­edik

1 msk. ferskt engi­fer, fínt rifið

1 1/2 tsk. kar­rí­duft

3-4 dl vatn, meira ef þarf

1/2 tsk. gróft sjáv­ar­salt

nýmal­aður svartur pipar

Hitið olíu á pönnu og steikið lauk­inn við með­al­hita þannig að hann verði mjúkur og glær, en brenni ekki. Bætið chili saman við ásamt ananas. Steikið í 5-10 mín. Setjið þá púð­ur­sykur og hrís­grjóna­edik saman við ásamt engi­fer og kar­rí­dufti. Bætið vatni út í og látið sjóða í 30-40 mín. Eða þar til ananas­inn er orð­inn vel mjúkur og allt vatnið gufað upp. Mögulega þarf að bæta vatni á pönn­una til þess að maukið nái að sjóða nógu lengi. Bragð­bætið með salti og pipar.

KRYDDLEGIN VÍNBER

u.þ.b. 400 g stein­laus vín­ber

3 dl hvítvín

2 msk. ljóst bals­amedik

1 msk. sykur

3 greinar ferskt rós­marín

3-4 greinar ferskt tímían

Skolið vín­berin og þerrið. Setjið þau í krukku með rest­inni af hrá­efn­inu og látið standa í kæli í 1-2 sól­ar­hringa. Berin geym­ast í allt að viku í kæli. Þegar búið er að borða öll berin má gjarnan nota krydd­lög­inn í sósur eða súpur eða setja hann í frysti­poka og nota síðan í mat­ar­gerð.

SMJÖRKEX MEÐ DÖÐLUM OG PEKANHNETUM

u.þ.b. 30 stk.

Mjög fljót­legt er að skella í þetta kex, sér­stak­lega ef notað er ófrosið smjör­deig sem hægt er að kaupa útflatt og upprúllað. Það er best nýbakað eða sam­dæg­urs því það geym­ist ekk­ert sér­stak­lega vel.

270 g smjör­deig

6 döðlur, smátt skornar

20-30 g pek­an­hnetur, gróft skornar

1 eggjarauða

gróft sjáv­ar­salt

Stillið ofn á 180°C. Hitið pönnu og ristið pek­an­hnet­urnar. Fletjið deigið út ef þarf, stráið döðlum og pek­an­hnetum yfir og brjótið í tvennt. Rúllið létt með köku­kefli yfir deigið þannig að það fest­ist vel saman. Pikkið með gaffli og skerið út kex­kökur. Penslið með eggjar­auðu, stráið svolitlu salti yfir og bakið í u.þ.b. 10 mín. eða þar til kök­urnar hafa tekið fal­legan lit.

Texti / Kristín Dröfn Ein­ars­dóttir
Myndir / Bragi Jós­efs­son
Stílisti / Ólöf Jakobína Ernu­dóttir