Góð vika – Ásmundur Friðriksson

Óhætt er að segja að margir hafi átt góða viku. Íbúar Aust­ur­lands hafa notið veð­ur­blíðu síð­ustu daga. Karlalið Víkings í knatt­spyrnu átti frá­bæra end­ur­koma í Eyjum þegar Víkingur sigr­aði ÍBV og varð fyrsta liðið til þess að tryggja sér sæti í und­an­úr­slitum Mjólk­ur­bik­ars karla í knatt­spyrnu.

Eflaust hafa þó fáir glaðst eins mikið og þing­mað­ur­inn Ásmundur Frið­riks­son þegar For­sætis­nefnd Alþingis féllst á að Þór­hildur Sunna Ævars­dóttir hefði brotið siða­reglur fyrir alþing­is­menn með ummælum sínum um akst­urs­greiðslur hans. Ekki glödd­ust þó allir og sagði flokks­bróðir Þór­hildar Sunnu, Jón Þór Ólafsson, að „þessi afgreiðsla væri til þess fallin að fela mögu­lega spill­ingu og þagga niðri í þeim sem vilja upp­ræta hana“.

Slæm vika – Jón Ingi Gíslason

Svandís Svav­ars­dóttir hefur ekki bein­línis átt sjö dag­ana sæla vegna syk­ur­skatts sem hún hefur boðað til. Ummæli hennar um að hlut­fall of feitra væri hátt á Íslandi vakti líka reiði og var Svandís sökuð um að kynda undir báli fitu­for­dóma. Vika Jóns Ársæls Þórð­ar­sonar varð heldur engin skemmti­ferð þegar honum var stefnt af einum við­mæl­enda sinna úr þátt­unum Para­dís­ar­heimt.

Nafni hans Jón Ingi Gíslason, for­maður Kenn­ara­fé­lags Reykja­víkur, topp­aði þó allt þegar hann var í Hér­aðs­dómi dæmdur í skil­orðs­bundið fang­elsi og til að greiða 19.350.000 sekt í rík­is­sjóðs vegna stór­fellds skatta­laga­brots. Þetta varð ekki beint til að auka hróður Jóns sem hafði áður verið vikið úr áhrifa­stöðum innan Fram­sóknar vegna máls­ins.