Bára Hall­dórs­dóttir sem tók upp sam­tal þing­mann­anna og sendi á fjöl­miðla er ekki sektuð fyrir brotið. Þá tókst per­sónu­vernd ekki að finna merki um sam­verknað þann er lög­maður Mið­flokks­ins sak­aði Báru um.

Í úrskurði Per­sónu­verndar segir: „Þegar litið er til tíma­lengdar umræddrar upp­töku, að hún hafi falið í sér raf­ræna vöktun“. Þá segir að hljóð­upp­taka sem fari fram með leynd geti ekki sam­rýmst per­sónu­vernd­ar­lögum og gerð er athuga­semd við lengt hennar sem sé úr hófi.

Per­sónu­vernd gerir ítar­lega grein fyrir mun­inum á því að vera í opin­beru rými og einka­rými. Vitnað er til grísksk máls þar sem fjöl­miðlar tóku upp þing­menn í almennu rými.

„Tekur [Mann­rétt­inda­dóm­stóll Evrópu] fram að með því að ganga þangað hafi umræddu þing­maður fengið lög­mætt til­efni til að ætla að fylgst væri nákvæm­lega með hegðun hansog að hún myndi jafn­vel tekin upp, einkum í ljósi stöðu hans sem almanna­per­sónu.“ Viðurlög grískra yfir­valda sem var stjórn­valds­sekt gagn­vart fjöl­miðl­inum sem birti upp­tökk­urnar var af þeim sökum því talin brot 10. gr. mann­rétt­inda­sátt­mála Evrópu um tján­inga­frelsi.

Báru er gert að eyða upp­tök­unni.