Fjár­mála­eft­ir­litið gerði úttektir á íslenskum bönkum árið 2007 þar sem voru gerðar alvar­legar athuga­semdir við fram­kvæmd eft­ir­lits með þvætti. Þeim var ekki fylgt eftir „vegna starfs­manna­skorts og sér­stakra aðstæðna á fjár­mála­mark­aði.“

Kjarninn fékk afhentar skýrslur um úttektir Fjár­mála­eft­ir­lits­ins frá þessum árum að hluta. Auk þess afl­aði hann sér frek­ari gagna um úttekt­irnar, meðal ann­ars sumar þeirra blað­síðna sem eft­ir­litið vildi ekki láta af hendi.

Í drögum að nið­ur­stöðu vegna úttektar á einum bank­anum, Glitni, kemur fram að hann hlaut algjöra fall­ein­kunn fyrir varnir sínar gegn pen­inga­þvætti. Þar sagði enn fremur að það væri „mat Fjár­mála­eft­ir­lits­ins að slík nið­ur­staða sé ekki ásætt­an­leg fyrir alþjóð­legan við­skipta­banka á við Glitni.“

Næsta rúma ára­tug­inn var lítið gert til að stemma stigu við mögu­legu pen­inga­þvætti. Mögu­leik­arnir til þess að stunda það urðu reyndar þrengri með til­komu fjár­magns­hafta, en voru þó til staðar, meðal ann­ars vegna leiða sem boðið var upp á til að ferja fjár­magn inn og út úr þeim höftum.

Í apríl 2018 fékk Ísland svo gula spjaldið frá Financial Action Task Force (FATF), sam­tökum sem hafa lengi haft það hlut­verk að móta aðgerðir til að hindra að fjár­mála­kerfið sé mis­notað í þeim til­gangi að koma illa fengnu fé aftur í umferð.

Annað hvort myndi landið bæta sig í vörnum gegn pen­inga­þvætti eða það ætti á hættu á að lenda á lista yfir ósam­vinnu­þýð ríki. Síðan þá hefur verið sam­þykkt ný lög­gjöf, búið er að mynda stýri­hóp til að takast á við vand­ann og aukið fjár­magn hefur verið sett í mála­flokk­inn. Í júní næst­kom­andi mun koma í ljós hvort að nóg hafi verið að gert, þegar eft­ir­fylgni­skýrslu verður skilað til FATF.

Ítarleg frétta­skýr­ing um málið er aðgengi­leg á vef Kjarnans og í nýjasta tölu­blaði Mannlífs.