Grillað piad­ina-brauð með tómat-tapenade og grill­uðu eggald­ini. Mynd/Karl Pet­ers­son

Grillað piadina-brauð með tómat-tapenade og grilluðu eggaldini

3 ¾ dl 37°C heitt vatn (fing­ur­volgt)
1 pakki þurr­ger
½ tsk. sykur
570 g hveiti
3 msk. jóm­frú­ar­olía
2 tsk. sjáv­ar­salt frá Salt­verki

Blandið vatni, sykri og geri saman í hræri­vél­ar­skál og hrærið þar til allt hefur bland­ast vel saman, leyfið að standa í 5 mín., þar til mynd­ast hefur þunnt lag af hvítri froðu ofan á vatn­inu en það þýðir að gerið er farið að virka. Blandið rest­inni af hrá­efn­inu saman við og hrærið rólega í 2 mín. eða þar til deigið hefur tekið sig vel saman. Stillið vél­ina á með­al­hraða og hrærið deigið saman í 10 mín. Búið til fal­lega kúlu úr deig­inu og setjið í olíu­borna skál, hyljið með visku­stykki þar til deigið hefur rúm­lega tvö­faldað sig í stærð. Takið nú deigið og búið til 8-12 jafn­stórar kúlur, fer eftir stærð­inni sem þið viljið hafa á brauð­inu, fletjið hverja kúlu út í þunna botna. Setjið þá á smjör­pappír og smá­olíu bæði undir og ofan á deigið svo það fest­ist ekki. Hitið grillið upp í 180°C og bakið brauðið við þann hita í 2 mín. og á hvorri hlið. Þegar brauðið er tekið af er því leyft að kólna lít­il­lega áður en það er skorið í við­eig­andi bita. Útbúið mauk eða bara góða sósu til að dýfa þessu skemmti­lega grill­brauði í.

Tómat-tapenade

100 g ólífur, helst kalamata-ólífur, stein­hreins­aðar
100 g sól­þurrk­aðir tómatar
1 hvít­lauks­geiri
3 msk. jóm­frú­ar­olía
hand­fylli fersk basi­líka
2 msk. kapers
2 tsk. bals­amedik
vel af svörtum pipar

Fyrst eru ólíf­urnar, tómat­arnir og hvít­lauk­ur­inn sett í mat­vinnslu­vél og látið sax­ast létt, því næst er olí­unni og rest­inni af hrá­efn­inu bætt við og blandað saman þar til maukið helst vel saman.

Eggaldinmauk

1 heill hvít­laukur
2 eggaldin, um 500 g
1 msk. safi úr sítrónu
1 tsk. óreganó
1 tsk. salt
1 tsk. pipar

Hitið grillið í 200°C. Skerið topp­inn af hvít­lauknum og makið smá­olíu þar ofan á. Pakkið lauknum inn í álp­appír og bakið með eggald­in­inu. Stingið gat á eggald­inin með gaffli á nokkrum stöðum svo gufa kom­ist út. Leggið á heitt grillið og bakið í 15-20 mín. eða þar til þau verða mjúk í gegn. Skerið eggald­inin síðan eftir endi­löngu og skafið mjúka part­inn innan úr og setjið í skál. Takið hvít­l­auk­inn og hrein­lega kreistið hann þar til rifin úr honum fara í skál­ina. Bætið öllu öðru sem er í upp­skrift­inni saman við og setjið í mat­vinnslu­vél. Maukið þar til verður að silki­mjúku mauki.

Grill­aðar pylsur með brauð­vafn­ingi. Mynd/Karl Pet­ers­son

Grillaðar pylsur með brauðvafningi

Í þessu brauð­deigi er smjör­bolla en hún hjálpar til við að brjóta niður glút­enið í brauð­inu og gerir það teygj­an­legra.

6 pylsur
350 g hveiti
50 g sykur
1 tsk. salt
1 msk. þurr­ger
1 ¼ dl mjólk
1 egg
120 g bökuð smjör­bolla
30 g smjör við stofu­hita í litlum ten­ingum

Blandið þurr­efn­unum saman. Setjið mjólk­ina, eggið og smjör­boll­una í aðra skál og blandið vel saman. Gerið því næst dæld í þurr­efnin og hellið blautefn­unum út í. Notið krók til þess að blanda vel saman og passið að engir kekkir séu í deig­inu. Setjið smjörið út í þegar þetta er komið vel saman og hrærið í minnst 10 mín. eða þar til ekk­ert fest­ist við skál­ina og er mjög teygj­an­legt. Ef þú heldur að þú sért búin að hnoða nóg, hnoð­aðu þá í 2 mín. í við­bót því þessi hnoðun er það sem gerir brauðið loft­kennt og létt. Setjið deigið í stóran bolta og undir rakt stykki. Komið því fyrir á volgum stað og leyfið því að hef­ast í 40 mín. eða þar til það hefur tvö­fald­ast í stærð.

Skiptið deig­inu í 18 jafn­stóran hluta, best er að nota vigt til þess. Notið hveiti undir svo deigið fest­ist ekki við. Leyfið þeim að hvíla aftur í 15 mín. með röku stykki yfir.
Rúllið deig­kúlu upp í langan orm og vefjið utan um pyls­una. Leggið á ofn­plötu og leyfið því að hvíla aftur í klst. Passið að hafa langt bil á milli því þetta á eftir að tvö­fald­ast í stærð.
Hægt er að grilla pylsu­vafn­ing­ana á grill­bakka eða baka þá í ofni. Hafið ofn­inn í 180°C eða grillið í 190°C á óbeinum hita þannig það sé bara kveikt á hlið­ar­brenn­ur­unum en ekki beint undir brauð­unum. Bakið í 30-35 mín. eða þar til pylsu­vafn­ing­arnir eru vel bak­aðir.
Gott er að setja tómatsósu og sinnep í skál og bera með.

Smjörbolla

100 g smjör
50 g hveiti
Bræðið smjörið og bætið hveit­inu út í, sláið saman þar til blandan helst saman og myndar bollu.

Umsjón / Hinrik Carl Ell­erts­son
Myndir / Karl Pet­ers­son
Stílisti / Ólöf Jakobína Ernu­dóttir