Þegar mat­seð­ill er settur saman er gott að passa upp á að ekki þurfi að elda alla rétt­ina á sama tíma t.d. að allt sé steikt á pönnu eða allt eldað í ofni og upp­götva svo að ekki er nægt pláss í ofn­inum á ögur­stundu.  Hægeld­aðir réttir, eins og lambaskank­arnir, eru sér­stak­lega heppi­legir í mat­ar­boð því þá er nán­ast hægt að gleyma aðal­rétt­inum í ofn­inum á meðan for­réttur og eft­ir­réttur eru útbúnir. Vertu með for­drykk og lystauka, það gefur tón­inn fyrir kvöldið og eykur á stemn­ing­una. Dúkaðu borðið fal­lega, skreyttu með blómum og kveiktu á kertum og síð­ast en ekki síst settu góða tón­list á fón­inn!

Lambaskankar með grænmeti og kartöflumús

fyrir 4-6

Þegar eld­aðir eru skankar er gott að nota stóran pott­járn­spott eða steik­ar­pott með loki. Ef slíkur gripur er ekki til á heim­il­inu er hægt að brúna kjötið og steikja græn­metið fyrst á pönnu, setja síðan allt saman í djúpt eld­fast form og loka vel með álp­appír.

3 tsk. fenníku­fræ

2 tsk. kumm­in­fræ

2 tsk. engi­fer­duft

1-2 msk. ólífu­olía

4 lambaskankar

gróft sjáv­ar­salt

nýmal­aður svartur pipar

1-2 msk. olía til steik­ingar

10 rauðir perlu­laukar, afhýddir

8 gul­rætur, skornar gróft

3-4 hvít­lauks­geirar, saxaðir

1 kanil­stöng

4 dl kjöt­soð

1 dl rauð­vín

½-1 tsk. chili-flögur

börkur af ½ sítrónu

gróft sjáv­ar­salt

nýmal­aður svartur pipar

Hitið ofn í 120°C. Ristið fenníku­fræ og kumm­in­fræ á pönnu. Blandið saman við engi­fer­duft og olíu. Makið blönd­unni á skank­ana og látið standa í góða stund (jafn­vel í kæli yfir nótt). Hitið olíu í stórum potti sem má fara í ofn. Stráið salti og pipar á skank­ana og brúnið þá á pönn­unni. Takið þá af og setjið lauk, gul­rætur og kanil­stöng út á og steikið í nokkrar mín. Bætið hvít­lauk saman við og steikið áfram í 1-2 mín. Setjið þá skank­ana aftur í pott­inn ásamt rest­inni af hrá­efn­inu. Bætið salti og pipar út í eftir smekk. Setjið lok á pott­inn og eldið í u.þ.b. 4 klst.

Takið skank­ana var­lega upp úr pott­inum og sigtið soðið í pott. Þykkið það með sósu­jafn­ara og bragð­bætið með rauð­víni, salti og pipar og gjarnan slettu af hun­angi. Berið skank­ana fram með kart­öflumús, græn­met­inu úr pott­inum og sós­unni.

Kartöflu- og sellerírótarmús

u.þ.b. 700 g kart­öflur

½ stk. sell­er­í­rót

1-2 hvít­lauks­geirar, afhýddir

gróft sjáv­ar­salt

nýmal­aður svartur pipar

3-4 msk. smjör

80 g feta­ostur, mul­inn

hnefa­fylli stein­selja

½-1 dl mjólk/rjómi ef þarf

Afhýðið kart­öflur og skerið í grófa bita ef þær eru stórar. Afhýðið sell­er­í­rót og skerið í álíka stóra bita og kart­öfl­urnar. Sjóðið kart­öflur, sell­er­í­rót og hvít­lauks­geira í salt­vatni þar til kart­öfl­urnar og rótin eru soðin í gegn. Sigtið vatnið frá, bætið gjarnan meira salti við ásamt svörtum pipar og smjöri. Stappið saman og setjið feta­ost út í ásamt stein­selju. Bragð­bætið með salti og pipar eins og þarf og þynnið með rjóma eða mjólk ef þörf er á.