„Ég er rosalegur klaufi og dett oft, kannski af því ég er oft að gera marga hluti í einu. Yfirleitt að tala og gera eitthvað annað. Sumarið 1996 toppaði ég mig með því að detta ofan í ræsi í Hljómskálagarðinum, ofan í gjótu á Búðum og niður stigann á 22 (nú Kíkí). Einu sinni var ég að tala svo mikið á leið út úr bílnum hjá pabba að ég datt beint ofan í ljósleiðaraskurð og tognaði illa á ökklanum sem var ansi krambúleruð eftir sumarið 1996.“
„Ég er með mjög litlar hendur og get sett hnefann upp í munninn á mér auðveldlega. Án þess að sjúska varalitinn. Það nýtist oft sem gott partítrikk.“
„Ég er meðlimur í hljómsveitinni Putin is a Woman. Sérkenni þeirrar hljómsveitar er að við tökum góðar pásur milli hljóma og Kata Jak er umboðsmaður okkar. Hljómsveitin hefur verið í pásu frá stofnun vegna mikilla anna á öðrum vettvangi.“
„Ég kenndi sjálfri mér á gítar í barnastærð. Þar sem hendur mínar eru minni en hendurnar á Trump.“
„Ég á mjög fyndnar vinkonur sem fengu Frímann Gunnarsson í gæsapartíið mitt. Ég er mjög mikill aðdáandi Sigtisins og kvóta reglulega í þá þætti. Ég óska þess oft að þeir fari aftur í framleiðslu.“
fimm staðreyndir
Oft skömmuð fyrir að taka viðtal við fólk
Byrjaði að hlusta á jólalög í september
Mætti viku of snemma í brúðkaup
„Ég hlýt að fara á góða staðinn þegar ég dey“
„Mætti í heiminn með látum og hef látið fara fyrir mér síðan“
Athugasemdir