Pistasíubotn

25 g pistasíu­hnetur
175 g hveiti
1 tsk. salt
100 g smjör, skorið í ten­inga og kælt
¾ dl ískalt vatn

Fylling

4 blað­laukar, grænu topp­arnir skornir af og ljósi hlut­inn skor­inn í tvennt langsum
2 msk. ólífu­olía
10 g smjör
1 tsk. salt
½ tsk. svartur pipar
125 g geita­ostur
2 hvít­lauks­geirar, saxaðir eða þrýst í gegnum pressu
2 stórar kart­öflur, skornar í þunnar sneiðar
gróft sjáv­ar­salt
20 g blámyglu­ostur
1 msk. timí­an­lauf
1 egg, hrært

Byrjið á því að búa til botn­inn. Setjið pistasíu­hnet­urnar í mat­vinnslu­vél og hakkið. Bætið við hveiti og salti og blandið saman. Bætið kalda smjör­inu saman við og blandið þar til deigið minnir á gróft mjöl.

Hellið ísvatn­inu saman við í smáum skömmtum þar til deigið sam­lag­ast, það gæti þurft aðeins minna eða aðeins meira vatn. Hellið deig­inu úr mat­vinnslu­vél­inni, mótið kúlu og klappið hana síðan niður til að fletja hana aðeins út. Vefjið í plast­filmu og setjið í kæli í u.þ.b. 30-40 mín. Und­ir­búið fyll­ing­una á meðan deigið kólnar. Hitið ofn í 200°C án blást­urs.

Leggið blað­l­auk­inn í lítið eld­fast mót og sáldrið 2 msk. af ólífu­olíu yfir ásamt salti og pipar, leggið smjörið í mótið. Hellið 2-3 msk. af vatni í mótið og hyljið vel með álp­appír. Bakið í miðjum ofni í 20 mín. eða þar til þeir hafa mýkst alveg, takið álp­app­ír­inn af og bakið í 10 mín. til við­bótar eða þar til lauk­ur­inn gyllist.

Setjið til hliðar og látið kólna í svolitla stund, skerið í bita. Leggið deigið á hveitist­ráðan flöt og fletjið út í 30 cm hring. Hrærið geita­ost saman við 1 msk. af ólífu­olíu og saxaðan hvít­lauk og smyrjið því yfir botn­inn á deig­inu, skiljið 3 cm autt svæði við endana.

Setjið 1/3 af blað­lauknum ofan á smyrj­una, raðið helm­ingnum af kart­öflu­sneið­unum yfir, myljið helm­ing­inn af blámyglu­ost­inum ofan á kart­öfl­urnar og sáldrið grófu sjáv­ar­salti yfir. End­ur­takið og endið á síð­asta þriðjungnum af blað­lauknum. Sáldrið ólífu­olíu yfir fyll­ing­una og brettið endana yfir hana. Penslið með hrærðu eggi og bakið í miðjum ofni í 35-45 mín. eða þar til bakan er orðin fal­lega gyllt og stökk.

Stílisti / Hanna Ingi­björg Arn­ars­dóttir
Myndir / Hallur Karlsson