Súkkulaðikaka með jarðarberjafyllingu

fyrir 10-12

170 g mjúkt smjör
3 dl sykur
3 egg
2 msk. kirsu­berja­líkjör eða annar berja­líkjör
3 ½ dl hveiti
⅔ dl kakó
1 tsk. mat­ar­sódi
örlítið salt
2 ½ dl súr­mjólk
100 g dökkt súkkulaði, brætt og kælt lít­il­lega

Hitið ofn í 175°C. Hrærið saman smjör og sykur þar til blandan verður létt og ljós. Bætið eggjum saman við einu í einu og hrærið vel á milli. Setjið líkjör saman við. Sigtið þurr­efnin saman og bætið út í nokkrum skömmtum til skiptis við súr­mjólk­ina.

Hrærið þar til allt er vel sam­lagað. Notið sleikju til þess að skafa niður með skál­inni þannig að allt bland­ist vel. Setjið súkkulaði út í og hrærið var­lega saman við. Skiptið deig­inu í tvö 24 cm laus­botna form sem hafa verið smurð vel með smjöri og gjarnan snið­inn bök­un­ar­pappír í botn­inn.

Bakið í 25-30 mín. Látið botn­ana kólna áður en jarð­ar­berja­fyll­ingin er sett á milli og súkkulaði­kremið utan á.

Jarðarberjafylling

600 g jarð­ar­ber, má gjarnan nota frosin
2 dl sykur
3 msk. kirsu­berja­líkjör eða annar
berja­líkjör

Setjið allt saman í pott og látið sjóða saman í 40-60 mín. eða eins og þarf þar til „sultan“ hefur soðið hæfi­lega mikið niður. Hún þarf að vera það þykk að hún leki ekki út af botn­inum þegar henni er dreift á milli. Látið kólna.

Súkkulaðikrem

170 g rjóma­ostur, mjúkur
150 g smjör, mjúkt
5 dl flór­sykur
⅔ dl kakó
300 g dökkt súkkulaði, brætt og kælt niður í stofu­hita

Hrærið saman rjóma­ost og smjör þar til allt er vel sam­lagað. Sigtið flór­sykur og kakó út í og hrærið vel. Bætið súkkulað­inu var­lega saman við og hrærið áfram þar til allt er vel sam­lagað.

Gjarnan má nota önnur ber í fyll­ing­una, t.d. hind­ber eða kirsu­ber. Gott er að láta kök­una standa í kæli yfir nótt og skreyta hana síðan með ferskum berjum rétt áður en hún er borin fram.

Til þess að flýta fyrir sér má gjarnan nota til­búna sultu en okkur finnst ansi gott að hafa fyll­ing­una í súr­ara lagi.

Umsjón / Kristín Dröfn Ein­ars­dóttir
Myndir / Óli Magg
Stílisti / Ólöf Jakobína Ernu­dóttir