Ómótstæðileg Ella – Ella Mills

Ella Mills er ein skærasta stjarna Bret­lands á sviði mat­ar­gerðar. Fyrsta bók hennar, Ómót­stæði­leg Ella, sló í gegn þegar hún kom út árið 2015 og hefur nú verið gefin út í 20 löndum. Ein­faldar og ljúf­fengar plöntu­upp­skriftir, jafnt fyrir þá sem eru vegan, þá sem eru með glúten- og mjólk­ur­ó­þol og alla þá sem vilja góða orku og jafnan blóð­sykur.

Ómót­stæði­leg Ella – Ella Mills.

Eldhús græn­ker­ans – Hanna H. Bjarna­dóttir, Katrín R. Bessa­dóttir og Rut Sig­urð­ar­dóttir

Eldhús græn­ker­ans er fyrsta íslenska mat­reiðslu­bók sinnar teg­undar og inni­heldur um 120 upp­skriftir að ljúf­fengum græn­met­is­réttum fyrir öll til­efni. Rétt­irnir henta öllum og bókin er til­valin fyrir þau sem vilja auka vægi græn­met­is­rétta á mat­ar­borði fjöl­skyld­unnar. Í bók­inni er sér­stakur kafli um vegan-hrá­efni og flesta rétt­ina má gera vegan á ein­faldan hátt.

Eldhús græn­ker­ans – Hanna H. Bjarna­dóttir, Katrín R. Bessa­dóttir og Rut Sig­urð­ar­dóttir.

Veganomicon – Isa Moskowitz og Terry Romero

Þessi bók fagn­aði tíu ára afmæli árið 2017 og því var sér­stök afmæl­is­út­gáfa gefin út. Höf­und­arnir bættu við tutt­ugu og fimm nýjum upp­skriftum ásamt því að upp­færa bók­ina í heild. Í bók­inni eru yfir tvö hund­ruð og fimm­tíu upp­skriftir að vegan-mál­tíðum fyrir öll til­efni. Einn helsti kostur bók­ar­innar er sá að hún býður upp á fjöl­margar soja­lausar upp­skriftir en oft á tíðum virð­ast í vegan-upp­skriftum vera reitt sig of mikið á soja­bauna­af­urðir.

Veganomicon – Isa Moskowitz og Terry Romero

Vegan Street Food – Jackie Kearny

Jackie, höf­undur bók­ar­innar, ferð­að­ist ásamt fjöl­skyldu sinni um Asíu og smakk­aði vegan-götu­mat í Indónesíu, Sri Lanka, Taílandi, Víetnam og Malasíu. Hún punktaði hjá sér upp­skrifta­hug­myndir á serví­ettur og annað til­tækt svo þegar hún snéri aftur heim ákvað hún að gera úr þeim þessa bók sem er einnig stút­full af skemmti­legum ferða­sögum og ævin­týrum.

Vegan Street Food – Jackie Kearny.

A Modern Cook‘s Year – Anna Jones

Frábær bók sem auð­veldar okkur að njóta græn­metis allan árs­ins hring. Bókin skipt­ist í sex árs­tíðir og lögð er áhersla á að nýta árs­tíða­bundna upp­skeru. Upp­skrift­irnar eru yfir tvö hund­ruð og eiga það allar sam­eig­in­legt að vera fram­úr­stefnu­legar, fram­andi og freist­andi. Þó að meiri­hluti upp­skrift­anna sé vegan eru ein­hverjar sem inni­halda mjólk­ur­vörur en þá er auð­velt að skipta þeim út fyrir við­eig­andi vegan-vöru. Ótrúlega fal­leg og áhuga­verð mat­reiðslu­bók sem allir ættu að eiga. Fæst á amazon.co.uk.

A Modern Cook‘s Year – Anna Jones.

Keep it Vegan – Áine Carlin

Áine Carlin er höf­undur hins vin­sæla vegan-bloggs Pea Soup Eats. Með þess­ari bók vildi hún upp­ræta þann algenga mis­skiln­ing að vegan-elda­mennska sé allt of flókin og full af ill­fá­an­legu hrá­efni. Í bók­inni er að finna hund­rað afar ein­faldar og fljót­legar upp­skriftir fyrir þá sem eru að stíga sín fyrstu skref í vegan-matar­æði sem og reynd­ari veganista. Fæst á amazon.co.uk.

Keep it Vegan – Áine Carlin.

Forks Over Knives – Gene Stone

Hér er á ferð­inni bók sem fylgir hinni gríð­ar­vin­sælu heim­ilda­mynd Forks Over Knives. Tveir af hverjum þremur Banda­ríkja­mönnum eru í yfir­þyngd og lífs­stíls­sjúk­dómar á borð við syk­ur­sýki II, hjarta- og æða­sjúk­dóma og fleiri aukast stöðugt. Teymið á bak við mynd­ina og þessa bók heldur því fram að hægt sé að snúa þess­ari þróun við með því að hætta ein­fald­lega að borða kjöt og dýra­af­urðir. Auk upp­skrifta er að finna gríð­ar­mik­inn fróð­leik og rann­sóknir sem sýna ávinn­ing þessa matar­æðis. Fæst á amazon.com.

Forks Over Knives – Gene Stone.

Oh She Glows – Angela Liddon

Blogg­ar­inn Angela Liddon er sjálf­lærður kokkur sem hefur varið mörgum árum í að til­einka sér plöntu­matar­æði og deilt góm­sætum upp­skriftum á blogg­inu sínu. Hún hafði lengi glímt við áströskun en ákvað dag einn að snúa við blað­inu og end­ur­heimta heils­una. Hún skipti hita­ein­inga­snauðu og unnu mat­vör­unni út fyrir nær­ing­ar­ríkt græn­meti, hnetur, ávexti, korn og fleira – og viti menn, heilsa og orka hennar jókst til muna. Nú hefur hún gefið út mat­reiðslu­bók með sínum upp­á­halds­upp­skriftum sem hefur notið gríð­ar­legra vin­sælda og komst á New York Bestseller-list­ann. Fæst á amazon.com.

Oh She Glows – Angela Liddon.

Modern Vegan Baking – Gretchen Price

Lengi var erfitt að gera bakstur vegan en veganistar hafa fundið alls kyns sniðugar lausnir og hrá­efni sem geta komið í stað­inn fyrir egg, smjör, hun­ang og svo fram­vegis. Þessi bók safnar saman öllum þessum lausnum og notar þær í ljúf­fengar upp­skriftir sem ættu að gleðja alla sæl­kera, hvort sem þeir eru vegan eða ekki. Bæði er að finna sætar kökur og ósæt kex og brauð en alls eru yfir hund­rað og tutt­ugu upp­skriftir. Fæst á amazon.com.

Modern Vegan Baking – Gretchen Price

Sam­an­tekt / Hildur Frið­riks­dóttir