„Það eru allar skoð­anir á því að leigu­bíl­stjórar séu snið­gengnir þegar kemur að bóta­úr­ræðum stjórn­valda. Við leigu­bíl­stjórar erum ekki reiðir en upp­lifum svolitla mis­munun, það verður að segja það. Þetta er tals­vert ósann­gjarnt,“ segir Daníel Orri Ein­ars­son, for­maður Bif­reiða­stjóra­fé­lags­ins Frama.

Sökum þess að leigu­bíl­stjórar eru flestir sjálf­stæðir atvinnu­rek­endur sem halda úti rekstri á eigin kenni­tölu virð­ast þeir illa passa inn í hluta­bóta­úr­ræði stjórn­valda vegna COVID-19. Útilit er fyrir að aðeins örfáir leigu­bíl­stjórar hafi fengið vil­yrði fyrir hluta­bóta­leið stjórn­valda. Flestir þeira virð­ast aftur á móti hafa fengið höfnun frá Vinnu­mála­stofnun. For­stjóra stofn­un­ar­innar þykir leitt að hafa ekki getað aðstoðað leigu­bíl­stjór­ana betur á meðan far­ald­ur­inn hefur gengið yfir.

Falla illa að regluverki

Daníel Orri bendir á að leigu­bíl­stjórar hafi flestir orðið fyrir 80 til 90 pró­senta sam­drætti síð­ustu mán­uði. Aðspurður hvort urgur sé í leigu­bíl­stjórum vegna máls­ins segir hann það alveg ljóst og segir það mjög leið­in­legt því bíl­stjór­arnir hafi sinnt mik­il­vægri þjón­ustu á COVID-tímum. „Bíl­stjórar eru óþol­in­móðir og vilja fá svör. Við höfum þurft að halda úti rekstri í fram­lín­unni vegna COVID og fyrir fólk í neyð og það höfum við gert alfarið á eigin kostnað. Við höfum verið til staðar í þágu almenn­ings. Þarna er vandi sem við höfum bent á og liggur á að leysa,“ segir Daníel Orri.

Unnur Sverr­is­dóttir, for­stjóri Vinnu­mála­stofn­n­unar, stað­festir vand­ann og bendir á að stofn­unin starfi aðeins eftir settur reglum sem hafi orðið til þess að leigu­bíl­stjórar falli utan úrræð­anna. „Þetta er alveg rétt hjá þeim, þeir falla mjög illa inn í reglu­verkið og við getum ekk­ert annað gert en starfað eftir því. Við getum því ekki breytt neinu þótt okkur þyki eitt­hvað ósann­gjarnt fyrir þennan hóp­inn eða hinn,“ segir Unnur.

Unnur Sverr­is­dóttir, for­stjóri Vinnu­mála­stofn­n­unar.

Taka lán til að keyra áfram

Aðspurður segir Daníel Orri það því miður ekki mögu­leika fyrir flesta bíl­stjóra að skila inn leyf­unum tíma­bundið því þeir séu skuld­bundnir til að halda úti rekstri vegna nið­ur­fell­ingar vöru­gjalda á bif­reiðum þeirra. „Sú leið að leggja inn leyfið gengur ekki. Af því við höfum verið til staðar í almanna­þjón­ustu þá eru skila­boðin sem við fáum frekar slæm, að hafa ekki þennan örygg­is­ventil eins og aðrir. Bíl­stjórar ganga margir á eigin sjóði, nýta yfir­drátt­ar­heim­ild eða taka lán í bönkum til þess að geta haldið rekstr­inum áfram. Staðan eins og hún er núna er ekk­ert sér­stak­lega jákvæð en við búumst við því að geta fengið ein­hvern stuðn­ing eins og aðrir,“ segir Daníel Orri.

Unnur segir að þónokkrir leigu­bíl­stjórar hafi leitað til stofn­un­ar­innar und­an­farið og segir leitt að hafa ekki getað hjálpað þeim betur. „Þetta er vanda­mál, þetta er það. Mér finnst það mjög leitt en þannig eru bara lögin og regl­urnar. Hvað leigu­bíl­stjór­ana varðar hafa þeir viljað halda áfram vinnu þrátt fyrir mik­inn sam­drátt og ég skil vel þá stöðu. Ég átta mig á því að þarna hefur verið ákveð­inn ómögu­leiki í gangi en þetta fer von­andi að verða búið núna,“ segir Unnur.

Lestu allt um málið í Mannlífi.

Lesa Mannlíf