Aug­lýs­inga­stof­an Pip­ar/​TBWA hef­ur kært Rík­is­kaup til kær­u­nefnd­ar útboðsmá­la vegna ráðn­ingar alþjóð­legu aug­lýs­inga­stof­unnar M&C Saatchi við gerð mark­aðs­her­ferð­innar Ísland – Saman í sókn. Mbl greinir frá.

Þar segir að í kærunni komi fram að Pip­ar/​TBWA telji að brotið hafi verið gegn lög­um um op­in­ber inn­kaup með kaupum á þjón­ustu M&C Sa­atchi. Þá segir einnig að Pip­ar/​TBWA fari fram á að fyr­ir­huguð samn­ings­gerð við M&C Sa­atchi verði stöðvuð og að gengið verði til samn­inga við Pip­ar/​TBWA.

Pipar í öðru sæti

Þegar ljóst var að M&C Saatchi myndi sjá um verk­efnið sendi Rík­is­kaup frá sér ein­kunnir þeirra stofa sem voru í þremur efstu sæt­unum, íslenskar stofur voru í öðru og þriðja sæti.

M&C Saatchi Ltd. með 87,17 af 100 punktum, 1. sæti
Pipar Media með 86,35 af 100 punktum, 2. sæti
Brand­en­burg með 77,38 af 100 punktum, 3. sæti

For­svars­menn Pip­ar/​TBWA lýstu yfir von­brigðum með nið­ur­stöð­urnar og gagn­rýndu að verk­efnið færi til Bret­lands.

Þess má geta að Íslands­stofa sendi frá sér til­kynn­ingu eftir að til­kynnt var um að aug­lýs­inga­stofan M&C Saatchi hefði verið ráðin í verk­efnið og var áréttað að í til­lögu M&C Saatchi var tekið fram að auk þess sem stofan væri með inn­lendan sam­starfs­að­ila væri gert ráð fyrir að öll þjón­usta við fram­leiðslu og kostn­aður vegna hennar verði hér á Íslandi.

Sjá einnig: Svara gagn­rýni og segja meiri­hluta fram­leiðsl­unnar fara fram hér