Góð vika: Pétur Einarsson

Pétur Ein­ars­son, fyrr­ver­andi hót­el­stjóri og flug­mála­stjóri, sem glímir við ólækn­andi krabba­mein átti góða viku þrátt fyrir sjúk­dóm­inn. Í síð­ustu viku kvænt­ist hann sam­býl­is­konu sinni til margra ára, Svan­fríði Ingva­dóttur, og þessi vika bauð einnig upp á gleði­legar upp­á­komur. „Þetta er búinn að vera ógnar góður dagur,“ segir Pétur á blogg­síðu sinni. „Hér kom Dóra frá heim­il­is­u­m­önnun Akur­eyrar. Hún er bæði hlý og hjálp­söm. Svo kom hér glæ­nýtt sjúkra­rúm handa Gamla hró­inu, greitt af Sjúkra­trygg­ingum Íslands.“

Pétur þakkar heil­brigð­is­kerf­inu hjart­an­lega fyrir þjón­ust­una. „Ég er aldeilis dol­fall­inn yfir okkar góða heil­brigð­is­kerfi. Ég á varla til orð yfir því hvað ég er þakk­látur og auð­mjúkur. Þökk og aftur þökk sé okkar frá­bæra heil­brigð­is­kerfi.“ Þegar deg­inum lauk síðan með bæj­ar­ferð og útrétt­ingum eftir langa inni­veru var gleði­bikar Péturs fullur. „Ég er eins og nýr maður, því ég hef ekki farið út úr húsi um hríð – ég er alveg búinn að gleyma því að ég sé hel­sjúkur,“ segir hann í blogg­inu.

Slæm vika: Aðilar í ferða­þjón­ustu

Ferða­bann og heims­far­aldur hefur lagst þungt á aðila í ferða­þjón­ustu og biðu þeir því spenntir eftir öðrum aðgerða­pakka rík­is­stjórn­ar­innar í von um að eitt­hvað yrði gert til að létta þeim róð­ur­inn. Sú von brást ef marka má skrif ferða­þjón­ustu­að­ila í Facebook-grúpp­unni Bakland ferða­þjón­ust­unnar. Þá lét einn eig­enda ferða­þjón­ustu­fyr­ir­tæk­is­ins Pink Iceland heyra í sér á Facebook vegna máls­ins. „Nið­ur­staðan er sú að við megum taka 6 milljón króna lán á ágætis vöxtum,“ segir hann og bendir á að það þýði aðeins eitt, fyr­ir­tækið muni þurfa að segja upp öllu starfs­fólk­inu og missa þá um leið rétt á þátt­töku í hluta­bóta­leið sem muni ganga að fyr­ir­tæk­inu dauðu.

Fleiri aðilar ferða­þjón­ustu boða upp­sagnir og skipu­lags­breyt­ingar til að bregð­ast við tapi, til að mynda hefur Icelandair boðað miklar upp­sagnir um mán­aða­mótin. Það er því óhætt að segja að vikan hafi ekki bein­línis verið drauma­vika í ferða­þjón­ust­unni.