Ísak Darri Þor­steins­son er mat­reiðslu­maður hjá Lux veit­ingum og liðs­maður í kokka­lands­liði Íslands. „Ef veður leyfir reyni ég að vera dug­legur að grilla en grillað nauta-ribeye með alls konar með­læti og það besta sem ég fæ. Þá sjaldan sem ég fer upp í bústað með félög­unum þá grillum við naut, þegar ég segi „við“ þá meina ég að „ég“ grilli,“ segir Ísak Darri og hlær. „Helsta ráðið sem ég get gefið les­endum varð­andi grill er að hugsa vel um það, þrífa það alltaf strax eftir notkun. Ég ber alltaf olíu á grind­urnar áður en ég kveiki á grill­inu, það kemur í veg fyrir að hrá­efnið fest­ist við þær.“

Agnes Bára Ara­dóttir er mat­reiðslu­maður á veit­inga­staðnum Sjálandi og henni finnst stemn­ingin í kringum grill­mat alltaf skemmti­leg. Í upp­á­haldi er fiskur af öllu tagi en oft verður samt ein­hvers konar kjöt fyrir val­inu þegar hún grillar. „Fátt jafn­ast á við að grilla góðan mat í góðra vina hópi. Maturinn þarf ekki að vera flók­inn til að vera góður, ein­falt er oft­ast best, og munið bara að hafa grillið nógu and­skoti heitt.“

Grilluð sjáv­ar­rétta­spjót og græn­meti eftir Agnesi Báru Ara­dóttur. Mynd/Hákon Davíð Björns­son

Valtýr Svanur Ragn­ars­son er yfir­mat­reiðslu­maður á Mat­ar­kjall­ar­anum og kennir sjón­varps­kon­unni Evu Ruzu að elda í þátt­unum Mannlíf sem nýlega hófu göngu sína á Sjón­varpi Símans. „Flestir Íslend­ingar eru fljótir að kveikja á grill­inu um leið og styttir upp á vorin, ein­hvern veg­inn er alveg sama hvað maður setur á grillið, það elska það bara allir. Á mínu heim­ili er grill­matur mjög mik­ill svona feel good-matur og mér finnst alltaf sér­stak­lega góð til­finn­ing að kveikja á grill­inu vit­andi að ég er að fara að borða eitt­hvað djúsí. Nauta-ribeye er í algjöru upp­á­haldi, sama í hvaða formi, með grill­uðum aspas og hollanda­ise-sósu, algjört nammi.“

Sigurþór Jóhanns­son er mat­reiðslu­maður á veit­inga­staðnum Skál! og segir að bragðið sé mest heill­andi við grill­mat, kóti­lettur séu í upp­á­haldi og lyk­il­at­riði að borða þær með hönd­unum. „Rétt eins og hver annar Íslend­ingur reyni ég að nýta hvert tæki­færi sem ég fæ til að grilla. Mik­il­vægt er að við­halda grill­inu vel, en við búum á Íslandi og hér er oft skíta­veður, og hafa alltaf við hönd­ina góðar tangir, grill­bursta og ískaldan bjór.“

Ítar­legri við­töl við mat­reiðslu­menn­ina og upp­skrift­irnar að grill­rétt­unum er að finna í 5. tbl. Gest­gjafans, 2020.

Tryggðu þér áskrift að Gest­gjaf­anum í vef­verslun

5. tbl. Gest­gjafans, 2020.