Sólveig Páls­dóttir rit­höf­undur er að gera það gott en Bjarni Bene­dikts­son hefur átt betri vikur.

Góð vika – Sólveig Páls­dóttir
Glæpa­sagna­höf­und­ur­inn góð­kunni Sólveig Páls­dóttir hafði sann­ar­lega ástæðu til að fagna í vik­unni þegar einu glæpa­sagna­verð­laun lands­ins, Blóð­drop­inn, voru veitt. Bók hennar Fjötrar hlaut verð­launin sem besta glæpa­saga árs­ins 2019 og sagði Sólveig í sam­tali við Mannlíf að hún hefði orðið barns­lega glöð þegar ljóst var að bókin hennar hefði orðið fyrir val­inu.

Sólveig er á fljúg­andi sigl­ingu þessa dag­ana, breskir fram­leið­endur und­ir­búa nú sjón­varps­þátta­röð sem gerð er eftir bók hennar Refurinn og hún er langt komin með bók sem byggir á reynslu hennar sjálfrar úr bernsku. Það er því full ástæða til fagn­aðar í húsi rit­höf­und­ar­ins og leikkon­unnar Sól­veigar Páls­dóttur þessa dag­ana. Varla margir sem áttu betri viku.

Slæm vika – Bjarni Bene­dikts­son
Vikan var ekki eins gleði­leg fyrir Bjarna Bene­dikts­son fjár­mála­ráð­herra. Eftir að upp­ljóstrað var um að fjár­mála­ráðu­neytið hefði lagst gegn ráðn­ingu Þor­valdar Gylfa­sonar sem rit­stjóra nor­ræna fræða­tíma­rits­ins Nordic Economic Policy Review hafa hneyksl­unar- og reiðiraddir látið hressi­lega í sér heyra. Öll spjót hafa staðið á fjár­mála­ráð­herr­anum í umræðu um málið og farið hefur verið fram á að hann mæti fyrir Stjórn­skip­unar- og eft­ir­lits­nefnd og geri grein fyrir afskiptum ráðu­neytis hans af mál­inu.

Bjarni hefur reyndar svarið af sér alla aðkomu að mál­inu, en fáir hafa lagt trúnað á það að óbreyttur starfs­maður fjár­mála­ráðu­neyt­is­ins hafi tekið það upp hjá sjálfum sér að leggj­ast gegn ráðn­ingu Þor­valdar. Það er því þungur róður fram undan hjá fjár­mála­ráð­herra til að gera hreint fyrir sínum dyrum og nokkuð ljóst að hann hefur oft átt betri vikur en þessa.