Kristjón Kormákur Guð­jóns­son hefur sagt skilið við heim fjöl­miðla. Kristjón, sem hefur verið í veik­inda­leyfi í tæpa tvo mán­uði, greinir frá því færslu á Facebook að honum hafi verið sagt upp störfum sem rit­stjóri fretta­bla­did.is.

„Ég átti að snúa aftur til starfa um miðjan júlí en af því verður ekki. Staða mín hefur verið lögð niður,“ skrifar Kristjón Kormákur á Facebook. „Mun ég ekki snúa aftur á Frétta­blaðið eftir að mér var sagt upp störfum í síð­ustu viku. Mér var tjáð að mitt starf hefði verið lagt niður og ráð­inn verður sér­fræð­ingur í sam­skipta­miðlum. Jón Þórisson ber nú ábyrgð á bæði neti og blaði sem aðal­rit­stjóri.“

Kristjón tók við starfi rit­stjóra fretta­bla­did.is í febr­úar síð­ast­liðnum eftir skipu­lags­breyt­ingar og rit­stýrði bæði vef Frétta­blaðs­ins og Hring­brautar. Hann tók við starfi rit­stjóra vefs Hring­brautar í apríl á síð­asta ári eftir að starfað sem aðal­rit­stjóri DV í rúmt ár og hóf störf á Frétta­blað­inu í nóv­em­ber í fyrra. Í fyrr­nefndri færslu seg­ist hann fyrir hálf­gerða til­viljun hafa villst inn í þennan bransa og orðið ást­fang­inn af fag­inu á fyrsta degi. Þetta sé í fyrsta sinn frá árinu 2012 sem hann er atvinnu­laus í fag­inu.

„Ég hef notið þeirra gæfu að fá tæki­færi til að stýra fjórum fjöl­miðlum á átta árum. Það sem stendur upp úr er fólkið sem ég hef kynnst. Ég hef notið þess að kenna fólki og sjá það blómstra í starfi.“

Ræðir opinskátt veikindaleyfið

Þá ræðir Kristjón á opin­skáan hátt ástæður þess að hann þurfti að fara í veik­inda­leyfi. „Eins og margir vita sem þekkja mig á ég það til að keyra mig út í vinnu. Í raun má segja að ég hafi gert það frá árinu 2012, unnið frá morgni til kvölds. Það flýtti fyrir frama mínum en bitn­aði á þeim sem standa mér næst og á heilsu minni. Eftir því sem árin liðu, til að takast á við álagið, slökkva á hausnum á mér, drakk ég og slíkur flótti eykur aðeins á van­líðan.“

Hann við­ur­kennir að eftir á að hyggja hefði hann átt að fara í veik­inda­leyfi á síð­asta ári. „Ég lét loks verða að því fyrir um tveimur mán­uðum. Lækn­ir­inn minn skip­aði mér í frí. Sagði ég væri í kulnun. Ég væri að skemma nýrna­hettur með stöðugri adrena­lín-fram­leiðslu og við þessar aðstæður fer lík­am­inn að ganga á sjálfan sig, heil­inn skreppur t.d. saman. Ég varð að taka hvíld áður en afleið­ing­arnar yrðu óaft­ur­kræfar. Þetta var orðið spurn­ing um að glíma við heilsu­brest það sem eftir væri af þessu lífi.“

Hætti að drekka og hefur aldrei liðið betur

Tímann und­an­d­arið seg­ist Kristjón hafa notað til að rækta sam­band við börnin sín og fjöl­skyldu. „Ég ákvað að leggja áfengi alfarið á hill­una á meðan þessu bata­ferli stæði, hugsa um sjálfan mig, leita inná við, fara í slökun og íhugun, vera í nátt­úr­unni, ganga á fjöll og ferð­ast um landið. Læra að fljúga!“ Staðan í dag sé sú að hann hafi ekki verið í eins góðu formi frá því hann hóf störf í fjöl­miðlum. „Mér hefur aldrei liðið betur. Ég er samt ekki kom­inn á áfanga­stað. Ég ætla að styrkja mig og efla enn frekar enda veik­inda­fríi ekki lokið.“

Hann kveður að eigin sögn Fétta­blaðið kátur og bjart­sýnn. Það eina sem honum finn­ist erfitt við brott­hvarf af þeim miðli er að hafa ekki tek­ist eins og hann hefði viljað að miðla af reynslu sinni til þeirra ungu en frá­bæru blaða­manna sem starfa á miðl­inum og eiga eftir að láta mikið á sér kveða í brans­anum. Fyrir því sé ýmsar ástæður sem hann geti ekki á þessum tíma­punkti rakið nánir og ætli ekki kryfja að sinni. Það geri hann síðar, við betra tæki­færi.

Margt spennandi í pípunum

Í haust stefnir hann á bóka­skrif með syni mínum. „Mér standa ótal dyr opnar. Það er margt spenn­andi í píp­unum og enda­lausir mögu­leikar handan við hornið. Hvar ég sting niður fæti næst kemur í ljós síðar. Lífið er fal­legt. Til­finn­ingin að vera frjáls verður ekki lýst í orðum,“ skrifar hann.