Kristín Sif Björg­vins­dóttir, útvarps­kona og íþrótta­kona, tjáir sig um sjálfs­víg unnusta síns og barns­föður. Hún segir skömm­ina í kringum sjálfs­víg búa til enda­lausar flækjur og lyga­vef.

„Það bara springur allt í tætlur, heil­inn á mér sprakk og hjartað í mér sprakk og mér leið svona eins og ég væri snjór­inn í sjón­varp­inu þegar loft­net­inu er kippt úr sam­bandi.“ Þannig lýsir Kristín Sif Björg­vins­dóttir, útvarps­kona og íþrótta­kona, því hvernig var að koma að unn­asta hennar og barns­föður Brynjari Berg Guð­munds­syni látnum á heim­ili þeirra. Hann hafði þá fallið fyrir eigin hendi. Kristín Sif er nýjasti gestur í hlað­varps­þætti Sölva Tryggva­sonar.

„Það voru öll ljósin slökkt og pressukanna á borð­inu sem var ekki búið að pressa niður kaffið … og það var eitt­hvað skrýtið og ég kalla á hann og kalla aftur og ég veit ekki hvort það hafi verið af því hann sagð­ist ætla að fara að taka til í bíl­skúrnum og ég fer inn í bíl­skúr og hann var bara alveg við hurð­ina og þarna fann ég hann,“ rifjar Kristín upp í þætt­inum, en þau Brynjar höfðu búið saman í nærri tólf ár.

Sjá einnig: „Þetta er í raun­inni bara mín leið til að takast á við sorg­ina“

Að hennar sögn hafði Brynjar verið í fíkni­efna­neyslu án hennar vit­neskju, en farið í með­ferð á Vogi sem gekk vel. Síðan kom bakslagið sem end­aði með þessum hætti.

Segir Kristín Sif að bréf sem Brynjar skildi eftir sig hafi hjálpað henni mikið í bata­ferl­inu. „Í bréf­inu stóð hvað hann elskaði mig og krakk­ana mikið og hvað hann hlakk­aði mikið til fram­tíð­ar­innar með okkur og þakk­aði mér fyrir allan stuðn­ing­inn. Þarna tók hann allar þessar sjálfs­á­sak­anir sem höfðu poppað upp hjá mér, mörgum mán­uðum eftir að hann dó.“

Kristín Sif ákvað strax að halda lífi sínu áfram fyrir sig og börnin sín og reynir að sjá það góða í líf­inu. Hún komst nýverið á verð­launa­pall á Norð­ur­landa­móti í boxi og var val­inn iðk­andi árs­ins í Crossfit Reykja­vík.

Viðtal Sölva við Kristínu í heild má sjá hér að neðan.