Margrét Frið­riks­dóttir, einn umsjón­ar­manna Stjórn­mála­spjalls­ins á Facebook, sendi Donald Trump banda­ríkja­for­seta hjart­næma kveðju í nótt. Þar seg­ist hún sann­færð um sigur hans í kosn­ing­unum.

Mynd­bandið með kveðj­unni birti Margrét í færslu á Facebook. „Herra Trump, ég óska þér ánægju­legrar kvöld­stundar. Ég veit að þú munt sigra kosn­ing­arnar. Fjögur ár til við­bótar,“ segir Margrét í kveðj­unni til Trump og klingir út með því að blikka til hans.

Margrét ritar ummæli undir eigin færslu þar sem hún birtir kosn­inga­spá sína. Þar telur hún að Trump for­seti komi til með að sigra kosn­ing­arnar með 57.70 pró­senta fylgi.

Margrét fer ekki leynt með aðdáun sína á Trump.

Í sam­tali við Mannlíf seg­ist Margrét ennþá sann­færð um sigur Trump for­seta. Hún „Ég er ekk­ert feimin að við­ur­kenna stuðn­ing minn við Trump og skil ekki þetta hatur gegn honum hér á landi. Það er alltaf verið að ráð­ast í mann­inn og gera grín að honum útfrá útlit­inu, hár­inu á honum eða húð­litnum, í stað þess að skoða það sem hann hefur gert. Til dæmis það hversu mik­ill frið­ar­leið­togi hann er, öll störfin sem hann hefur skapað og sögu­legar skatta­lækk­an­irnar. Auðvitað getur hann stundum verið dálítið klaufa­legur í fram­komu en það sem skiptir máli eru verkin. Ég trúi á menn sem láta verkin tala,“ segir Margrét og bætir við:

„Ég er viss um að Trump mun sigra og að framundan séu önnur fjögur góð ár. Ég hef fengið góð við­brögð við kveðj­unni minni og fullt af fólk hefur lýst yfir stuðn­ingi sínum við for­set­ann, en það þorir bara að gera það undir fjögur augu því fólk er voða­lega við­kvæmt fyrir því að við­ur­kenna stuðn­ing­inn.“

Margrét er fyrir löngu orðin þekkt fyrir rót­tækar hægri­s­inn­aðar skoð­anir. Nýlega sagð­ist hún hafa naum­lega sloppið við opin­bera aftöku í beinni útsend­ingu hjá Gísla Marteini á dög­unum. Margét telur þátta­stjórn­and­ann hafa ætlað að narra hana í þátt sinn og taka hana svo fyrir. Þetta fann hún á sér og afþakk­aði því boð í þátt­inn.