Óskar Steinn Jónínuson Ómarsson birti afar sláandi myndband á TikTok; sveipað ákveðnum léttleika og galsa, en undirtónninn er þó kolsvartur og alvarlegur enda viðfangsefnið ekkert grín: Nauðganir. Hann túlkar í myndbandinu – sem tvær persónur – textann við lagið „Fanney“ eftir Ingó Veðurguð. Eftir þá túlkun er lagið hreint ekki það „sama“ og áður. Óskar opnar texta lagsins upp á gátt og kemst að kjarna þess.
Óskar starfaði sem Ritari Samfylkingarinnar á árunum 2016 til 2018 og einnig sem leiðbeinandi hjá leikskólanum Hvammi í Hafnarfirði, en hann er Hafnfirðingur.
Í dag stundar hann nám í Stjórnmálafræði við Háskóla Íslands og ef hann ákveður að gera stjórnmál að sínu aðalstarfi mun án alls vafa heyrast í honum svo eftir verður tekið; enda þekktur fyrir að hafa munninn fyrir neðan nefið og hefur á sínum pólitíska ferli verið óhræddur að standa upp og gagnrýna af hörku og með rökum ef honum mislíkar eitthvað.
Svo gæti hann alveg lagt leiklist eða kvikmyndaleikstjórn fyrir sig – það sannar myndbandið; túlkunin og leikurinn: Upp á tíu.
Sjá einnig: Rakel var lengi kærasta Ingós Veðurguðs: „Mér líður eins og ég hafi verið kýld í magann“
Í myndbandinu leikur Óskar Steinn tvö hlutverk – tvær persónur, (greinarhöfundur gerir mun á þeim með tölunum 1 og 2) – þann sem hlustar á lag eftir Ingó Veðurguð sem heitir Fanney og túlkar það sem hrein og klár skilaboð um að nauðganir séu í lagi, ef þær eru bara svona í „léttum“ dúr.
Í hinu hlutverkinu er Óskar í gervi manns sem er ekki að tengja við undirtóninn í texta Ingós alveg strax; þeir ræða saman og komast síðan í raun og veru að einu eðlilegu útkomunni; lagið vísar í nauðgun í þessum „létta“ dúr sem einfaldlega ekkert „létt“ er við – algjörlega þvert á móti.
Sjá einnig: Ingó Veðurguð í viðtali við Mannlíf: „Ég ætla ekki að láta eyðileggja mannorð mitt“
Titill myndbandsins, eða bara hrein og klár niðurstaða eftir túlkun á texta lagsins, er svohljóðandi:
„Vísbendingarnar voru þarna í lögunum hans allan tímann… nei þýðir ekki „sannfærðu mig” btw“
Svo er hér bútur úr samtali Óskars 1 og Óskars 2 þegar þeir pæla í textanum og túlka hann, en myndbandið fylgir með greininni:
Óskar 2: „Skemmtilegt lag.
Óskar 1: „Já, geggjað lag.
Óskar 2: „Hvernig er annars aftur þessi texti? Ef þú hefur engan áhuga á mér máttu alveg þykjast fyrir mig.“
Óskar 1: „Hvað heitir það aftur þegar tvær manneskjur stunda kynlíf og önnur hefur engan áhuga á því?“
Óskar 2: „Það er ekki það sem það þýðir.“
Óskar 1: „Hvað heitir það þegar önnur manneskjan vill ekki ríða en hin manneskjan þrýstir á hana með skilaboðum um að þykjast vilja það!?“
Óskar 2: „Nauðgun, það heitir nauðgun.“
Óskar 1: „Já, það heitir nauðgun.“
En sýn er texta ríkari og myndbandið er hörð fordæming á kynferðisáreiti og nauðgunum.
Í lokin er hér texti lagsins „Fanney“ eftir Ingó Veðurguð:
ég skal segja ykkur frá
stelpu sem ég sá í gær
það var inn á bar
við vorum nokkur þar í gær
okkur fannst það gott
að hún var svona flott í gær
ég var glaður að ég skyldi
finna hana í gær
hún bað mig um að semja lag
og syngja fyrir sig í dag
og núna er ég búinn að því
og hún veit hvað mig langar í
fanney -ey -ey
ekki segja nei, nei, nei,
því þú ert alltof heit, heit, heit.
fanney – fanney
lagið fjallar ekki um neitt
en samt er það jafn heitt og hún
mig dreymdi að í nótt
við læddumst niðrá miklatún
þú manst að segja já
ef ég reyni að ná í þig
en ef þú hefur engan áhuga
máttu alveg þykjast fyrir mig
hún bað mig um að semja lag
og syngja fyrir sig í dag
og núna er ég búinn að því
og hún veit hvað mig langar í
fanney -ey -ey
ekki segja nei, nei, nei,
því þú ert alltof heit, heit, heit.
fanney – fanney!
fanney -ey -ey
ekki segja nei, nei, nei,
því þú ert alltof heit, heit, heit.
fanney – fanney!
allt sem ég sagði þar
skiptir ekki máli í dag,
sannleikurinn er
ég sé þig alsstaðar.
fanney -ey -ey
ekki segja nei, nei, nei,
því þú ert alltof heit, heit, heit.
fanney – fanney!
fanney -ey -ey
ekki segja nei, nei, nei,
því þú ert alltof heit, heit, heit.
Lag og texti: Ingó veðurguð
#METOO2
Þetta eru viðbrögð þeirra sem Ingó kærði: „Vaknaði bara við að Ingó veðurguð er búinn að kæra mig“
Þetta er fólkið sem Ingó kærir
Vilhjálmur rís upp Ingó til varnar – Blaðamenn og áhrifavaldar verða kærðir
Ólöf afhjúpar skelfilega tölfræði: „Feðraveldið notar þetta hinsvegar sér til rökstuðnings“
Andrea: „Ég sný mér við og er þá ekki Reðurguðinn mættur að bjóða sér upp undir pilsið mitt”
Athugasemdir