Jónína Ben var hálf­gerð læri­móðir Gunnars M. Kamban, detox fröm­uðar og rit­höf­undar. Gunnar lýsir kynnum sínum við detox með­ferð­ina í nýjasta hlað­varps­þætti Reynis Trausta­sonar.

„Mig lang­aði að laga mig, mig lang­aði að bæta mig, fá aukna orku og kom­ast yfir þetta stress,“ segir Gunnar og heldur áfram. „Árið 2010 var orðið kulnun ekki til eða ekki orðið að tísku­orði eins og í dag. Ég vissi ekki alveg hvað var í gangi, ég bara komst ekki á þann stað sem ég vildi vera á.“

Ákvað Gunnar að fara til Jónínu Ben sem var með detox þjón­ustu í Keflavík en þar bauð hún upp á 14 daga detox með­ferð. „Þarna var ég kom­inn með fjögur börn og konu og við vorum með hús og afborg­anir og það er ekk­ert auð­velt að kúpla sig bara út í 14 daga. Ég á mjög skiln­ings­ríka konu og frá­bæra. Hún skildi það að ég þurfti bara að gera eitt­hvað til að koma mér aftur í gír­inn.“

Gunnar sem sagt fór til Kefla­víkur þar sem Jónína og allt hennar fag­fólk tók á móti honum og hann stimpl­aði sig eins og hann kallar það. „Ég byrj­aði á því að sofa bara í 5 daga. Ég kom varla fram og borð­aði varla mat­inn, ég var þessi leið­in­legi sem nán­ast sagði ekki góðan dag­inn af því að ég hafði hrein­lega ekki orku í það.“ Jónína sagði við Gunnar að ef hann þyrfti að sofa, þá ætti hann bara að sofa.„Og ég tók hana bara á orð­inu og svaf nán­ast í 5 daga straight.“ Segist hann hafa áttað sig á því seinna meir að hann var þarna orð­inn úrvinda. „Þetta er eins og vél sem fer ekki í gang en ég er stans­laust að reyna að starta henni. Þarna var ég kom­inn á algjöran núll­punkt.“

Á degi sex fann Gunnar að haus­inn á honum var orð­inn skárri. Ákvað hann því að fara og reyna að kynn­ast fólk­inu og dag­skránni sem var í boði „sem voru göngut­úrar á morgn­ana og teygjur og það var infrar­auð sauna og pottur og svo fram­vegis og svo fram­vegis. Köld sturta var manni ýtt í líka.“ Segist Gunnar hafa byrjað að finna breyt­ingu eftir að hann byrj­aði að taka þátt í með­ferð­inni og fann ork­una aukast og aukast þrátt fyrir að vera að borða langt undir kalór­íu­þörf sinni. „Mín upp­lifun er að þegar ég labb­aði út úr detox­inu í Keflavík eftir að hafa komið inn með um 1% orku, þá labb­aði ég út með svona 98% hleðslu.“

Allt við­talið er hægt að hlusta á hér
Hægt er að horfa á við­talið hér