Mat­gæð­ingur Mannlífs þessa vik­una er hin stór­snjalla Hanna Katrín Frið­riks­son, þing­flokks­for­maður Við­reisnar, en hún ætlar að deila með okkur sínum mat­ar­hefðum og upp­á­halds­réttum.

„Pabbi minn var danskur og mat­ar­hefðir á æsku­heim­ili mínu í Breið­holti tóku mið af því. Ég ólst til dæmis upp við jóla­hlað­borð með fjöl­skyld­unni löngu áður en það varð alsiða í íslensku jóla­haldi. Ég held enn í þann sið að á annan í jólum er jóla­hlað­borð með fjöl­skyld­unni. Þegar ég var krakki þurftu for­eldrar mínir að safna réttum á borðið svo vikum og jafn­vel mán­uðum skipti þar sem vinir og ætt­ingjar sem áttu leið til Dan­merkur voru beðnir að kippa ein­hverju góðu með sér á jóla­hlað­borðið. Stundum lög­lega, oftar samt ekki. Svo var þetta geymt eins og gull þar til kom að jólum. Nú orðið fæst þetta meira og minna hér heima, en það er samt sitt­hvað sem ég reyni að sækja sér­stak­lega til föð­ur­lands­ins.“

Hrifnari af for­réttum
Hönnu þykir ferskur og léttur matur bestur og er til dæmis hrifn­ari af for­réttum en aðal­réttum og pantar gjarnan tvo slíka á veit­inga­stöðum. Hún seg­ist hins vegar ekki geta borðað mjúkan mat eins og til dæmis búð­inga eða grauta. „Ég ræð varla við kart­öflumús ef það eru ekki kart­öflu­bitar í henni.“

Hanna Katrín á sér marga góða rétti, en flestir eiga það sam­eig­in­legt að vera ein­hvers konar fisk­meti. Hörpu­skel á stein­selju­beði er hennar allra mesta upp­á­hald.

„Ég bragð­aði rétt­inn fyrst fyrir mörgum árum í Moggamat­ar­klúbbnum mínum, en hann skipar vina­hópur sem kynnt­ist á rit­stjórn Morg­un­blaðs­ins fyrir lif­andi löngu. Einn úr klúbbnum, Stein­grímur Sig­ur­geirs­son, hafði þá fengið rétt­inn á veit­inga­staðnum Lameloise í Búrgúnd­ar­hér­aði í Frakk­landi. Upp­skrift­ina fengu þau hjón, Stein­grímur og María, svo í upp­skrifta­bók stað­ar­ins. Þau reka Vinotek.is og þaðan er upp­skriftin fengin, þó ég kunni hana reyndar utan að enda er hún mikið notuð á mínu heim­ili. Gald­ur­inn er að nota heilan hell­ing af stein­selju til að búa til maukið. Svo mælir Stein­grímur með góðu Chardonnay-víni, helst Búrg­und­ar­víni, með rétt­inum. Ég hlýði því alltaf!“

Konan mín er frá­bær kokkur
Hanna Katrín seg­ist vera ágætis kokkur þó svo að hún eldi samt eig­in­lega aldrei. Ástæðan er fyrst og fremst sú að Ragn­hildur, konan hennar, er bæði frá­bær kokkur og hefur mjög gaman af því að elda. Ragn­hildi finnst gott að slappa af við matseld­ina eftir langan og jafn­vel erf­iðan dag, en Hanna Katrín kýs frekar að fara út að hlaupa.

Þegar kemur að veisl­unum seg­ist Hanna Katrín vera: „mjög lík­leg til að leggja á borðið blini með sil­unga­hrognum, söx­uðum rauð­lauk og sýrðum rjóma. Ef ég hef tíma geri ég blini-ið sjálf, ann­ars kaupi ég það til­búið. Og svo er auð­vitað allra best að hafa gott freyði­vín eða kampa­vín með.“

Týpískur dagur í lífi Hönnu byrjar á því að hún fær sér gott og sterkt kaffi um leið og hún fer á fætur. „Hrökk­brauð með osti fylgir með ef ég hef tíma. Í hádeg­inu finnst mér best að borða eitt­hvað mjög létt og svo legg ég meira upp úr kvöld­matnum. En það er engin regla á þessu hjá mér og ég er langt frá því að vera vana­föst þegar kemur að mat.“

Hörpuskel á steinseljubeði

Upp­skrift:

• hörpu­skel, stór og væn
• 6 bréf af stein­selju
• 1 dl rjómi
• 100 g smjör
• salt og pipar

Aðferð:

Hitið vatn í stórum potti. Bætið 1-2 teskeiðum af salti í vatnið. Þegar það bull­sýður er stein­selj­unni allri bætt út í pott­inn. Sjóðið í 4-5 mín­útur. Síið vatnið frá og skellið stein­selj­unni strax í kalt vatns­bað. Síið kalda vatnið frá og maukið stein­selj­una í mat­vinnslu­vél.

Hitið rjómann í potti. Þegar hann byrjar að sjóða er hit­inn lækk­aður og smjör­inu hrært saman við. Þegar smjörið hefur bráðnað í rjóm­anum er stein­selju­m­auk­inu hrært saman við. Bragðið til með salti og pipar.

Steikið hörpu­skel­ina í 2-3 mín­útur á hvorri hlið á pönnu. Saltið og piprið.

Setjið stein­selju­m­aukið á diska og hörpu­skel­ina ofan á. Ég set 3-4 á hvern disk, fer eftir stærð.