„Það er kannski löglegt, ef þú ert áhrifamikill karl á fimmtugsaldri, að fara með þremur félögum þínum nakinn í heitan pott þar sem gerðar eru ábyrgðarlausar tilraunir með mörk stúlku sem gæti verið dóttir ykkar, í aðstæðum sem verða að teljast gríðarlega ójafn leikur svo ekki sé fastar að orði kveðið…“
Svo hefst færsla Þórdísar Elvu Þorvaldsdóttur, rithöfundar og baráttukonu gegn ofbeldi, sem hún skrifar á Facebook-síðu sína.
Færslan er birt í kjölfar frétta af frásögn Vítalíu Lazareva í hlaðvarpsþættinum Eigin konur í vikunni, hvar hún sakar fimm þjóðþekkta menn um að hafa ýmist brotið á henni eða farið gróflega yfir mörk hennar. Í gær stigu mennirnir allir annað hvort til hliðar eða fóru í leyfi frá störfum sínum.
Þórdís Elva heldur áfram:
„Það er kannski löglegt, ef þú ert leikari á fertugsaldri, að misnota yfirburðastöðu þína til að sofa hjá unglingsstúlkum sem voru ráðnar til að leika börn í sýningunni sem þú ert stjarnan í…
Í þessu samhengi vil ég minna á að:
-þrælahald var löglegt,
-helförin var lögleg,
-aðskilnaðarstefnan var lögleg,
-mansal var löglegt,
-nýlendustefnan var lögleg,
-makanauðgun var lögleg
Hvað er löglegt hverju sinni í mannkynssögunni er spurning um áhrif og völd – ekki réttlæti og siðferði.“
Kynferðisbrot
Ómenning að líta á kynferðisbrot sem „fórnarkostnað við skemmtun“
Kennari misnotaði sérkennslunemanda – Skipaði honum að mæta með byssu og skjóta samstarfsmann
Tilkynningum um kynferðisbrot gegn börnum fjölgar á milli ára
Héraðssaksóknari þegir þunnu hljóði um meint kynferðisbrot á þroskahamlaðri konu
Myndir af neyðarmóttöku sendar áfram: „Ekki myndir sem ég vildi sjá af sjálfri mér“
Athugasemdir