Í síð­asta blaði Mannlífs skrif­aði sam­starfs­maður minn, vinur minn að sunnan eins og ég kalla hann, fjöl­miðlapistil sem hann nefndi Er þetta frétt? Fjallaði pistill­inn fjall­aði um þá hvim­leiðu spurn­ingu sem oft má sjá í athuga­semdum við fréttum á net­inu, Er þetta frétt? en þá er spyrj­and­inn að hneiksl­ast á frétta­vali blaða­mann­anna en oftar en ekki er um að ræða nauða­ó­merki­legar slúð­ur­fréttir.

Í fyrra­dag birt­ist sá pist­ill á vef Mannlífs og gat eig­in­lega ekki komið á betri tíma. Skrifuð var frétt á vefnum okkar um fátækan öryrkja sem eitt sinn dvaldi í Breiðu­vík þar sem hann varð fyrir hrika­legu harð­ræði og við­bjóði. Hundur manns­ins er veikur og þarf að fara í aðgerð en mað­ur­inn hefur ekki efni á því. Tók mað­ur­inn upp á því að selja hluti úr inn­bú­inu og aðra lausa­muni til að eiga fyrir aðgerð­inni. Fréttin vakti tölu­verða athygli en tæp­lega 8.000 flett­ingar mæld­ust á henni sem telst mjög fínt, ekk­ert stór­kost­legt en ansi fínt. Á sama tíma og fréttin birt­ist, leit önnur frétt dags­ins ljós hjá Mannlíf. Snéri hún að ljós­mynd sem náð­ist af pari sem hefur verið mikið í fréttum á árinu, versla saman í Cosco. Þegar frétt­inni var deilt á Facebook-síðu Mannlífs hrúg­uð­ust inn athuga­semdir þar sem fólk keppt­ist um að kvarta yfir frétt­inni og hneiksl­ast yfir því að þetta teld­ist almennt frétt­næmt. Þegar þetta er ritað hefur frétt­inni verið flett um 40.000 sinnum.

Annað dæmi get ég nefnt. Eftir Versl­un­ar­manna­helg­ina skrif­aði ég tvær fréttir. Önnur þeirra tók mig allan dag­inn að gera, ég þurfti að senda tölvu­pósta, hringja í fólk, skrifa og bíða eftir svörum. Málið snérist um lands­liðs­þjálf­ara ung­lings­stelpna í körfu­bolta sem var lát­inn hætta með liðið eftir að ásak­anir bár­ust á hendur honum vegna óþægi­legra sam­skipta. Hina frétt­ina tók mig ekki nema 10 mín­útur að gera. Hún var um sleik sem popp­stjarna fór í við ungan kærasta sinn á Þjóð­há­tíð. Viljið þið giska á hvor fréttin fékk meiri lestur? Laukrétt, Kossaflensið fékk 38.700 flett­ingar en lands­liðs­þjálf­ar­inn 12.700.

Mið­ill­inn er lít­ill þó hann sé les­inn nokkuð vel á lands­vísu. Við fáum tekjur frá aug­lýsendum meðal ann­ars og þó við reynum að skrifa inni­halds­ríkar og afhjúp­andi fréttir, verðum við að skrifa „ekki fréttir“ inn á milli til að bústa upp lest­ur­inn, því það er það sem þú, les­andi góður, vilt lesa, töl­urnar sanna það.

Mannlegt eðli er ein­fald­lega þannig að við erum for­vitin um það hvað næsti maður er að gera, hvað nágrann­inn er að bar­dúsa í bíl­skúrnum og við hverja fræga fólki fer í sleik. Og stundum held ég að við ráðum bara ekki alltaf við fréttir af dýra­níð, kyn­ferð­is­brotum, fátækt og fleira „óþægi­legt“ og sækjum þess vegna í létt­meti á borð við sleik og slúður. Fyrir ykkur hin sem finnst þetta ekki vera frétt­næmt, sleppið að lesa og lesið „alvöru fréttir“ í stað­inn, af nógu er að taka.