Harm­leikur átti sér stað á Rauð­hólum þann 16.ágúst árið 1977 þegar Einar Hjörtur varð unn­ustu sinni að bana og reyndi í kjöl­farið að taka eigið líf. Einar skaut unn­ustu sína tvisvar í gegnum höf­uðið og einu sinni í gegnum háls­inn.

„Byssan sem notuð var, var stuttur rússneskur riff­ill. Að sögn Arnar Höskulds­sonar er rannsókn máls þessa á algjöru frum­stigi. Hafði ekki náðst til aðstand­enda unga fólks­ins laust fyrir mið­nætti í gær og ekki var lokið við að yfir­heyra vitni, m.a. þá er fyrst komu að bif­reiðinni. Þar af leið­andi, er ekki hægt að skýra frá nánari til­drögum þessa hörmu­lega atburðar að svo stödd,“ sagði í frétt Tímans eftir morðið.

Eftir skotárás­inu, skar Einar sig á úln­lið hægri handar og skaut sig rétt fyrir neðan hjartað. Hann hitti þó ekki og fór skotið í gegnum Einar, hann lést ekki. Veg­fer­endur reyndu að stöðva blæð­ingu frá úln­lið hans á meðan beðið var eftir sjúkra­bíl.

„Tildrög þessa hörmu­lega máls eru þau, að þegar klukkan var tutt­ugu minútur gengin í sex í gær­dag, kom fólk er leið átti um Ráuðhóla að bif­reið með sænsku númeri. Stóð bif­reiðin i rimla­hlið­inu sem þarna er, rétt til hliðar í þvi, þannig að aðrar bif­reiðar hefðu kom­ist fram­hjá. Eins og kemur fram i annarri frétt hér á sið­unni, sá þetta fólk þegar í stað hvers kyns var og var kallað á lögreglu og sjúkralið “

Bæði fórna­lambið og ger­and­inn voru aðeins 22 ára gömul. Einar ját­aði á sig morðið og sagð­ist hafa verið vel með­vit­aður um hvað hann væri að gera og hversu mik­ill skaði þessi árás myndi valda. Hann var dæmdur til 16 ára fang­elsis en árið 1979 mild­aði hæsti­réttur dóm­inn í 14 ár. Einar lét lífið stuttu eftir seinni dóm­inn.

„Ungur maður skaut unn-ustu sína til bana síðdegis í gær i námunda við Reykjavík og gerði síðan til­raun til að svipta sjálfan sig lifi, en sú til­raun mistókst. Hann fannst særður í bíl sínum í grennd við Rauðhóla og unnusta hans látin við hlið hans. Hún hafði verið skorin nokkrum riff­il­skotum og hafði hann auk þess skotið sjálfan sig í brjóstið vinstra megin og gert til­raun til að skera á siagæð. Maðurinn liggur nú á gjörgæslu­deild Borg­ar­spítal­ans en er ekki í lífshættu,“ stóð í for­síðu­frétt Vísis, dag­inn eftir morðið.